Os pais, nais ou titores legais dos e as menores, deberán formalizar a inscrición no centro cívico onde se solicitou a praza os días 20, 21 e 22 de marzo en horario de 11.00 a 13.00 h e de 17.00 a 20.00 h.

A inscrición formalízase coa presentación do documento bancario acreditativo do aboamento do prezo público e da autorización correspondente de recollida de menores, debidamente cuberta e asinada. Ambos os documentos facilitaranse no centro cívico os días da inscrición.

Este trámite deberase realizar dentro do prazo e horarios de inscrición e de non ser así, perderase o dereito á praza na actividade.

Prazas vacantes

• Centros cívicos con horario xeral de 10.00 a 13.30 h: San Diego, Eirís, Elviña, Labañou, Novoboandanza e A Silva.
• Centros cívicos con horario xeral e horario ampliado de 9.00 a 14.30 h: Os Mallos e Monte Alto.

Para formalizar a inscrición nas prazas vacantes, é necesario acudir ao centro correspondente a partir do día 20 de marzo, en horario de 11.00 a 13.00 e de 17.00 a 20.00 h.

As prazas vacantes adxudicaranse por orde de inscrición.