É unha prestación periódica destinada a garantir recursos económicos de subsistencia ás persoas que carezan deles, mediante un proxecto personalizado de inserción formado por un conxunto de accións que melloren a integración persoal, familiar, social ou laboral.
A Renda Social Municipal é unha prestación económica do Concello da Coruña destinada a paliar situacións temporais de necesidade e garantir uns recursos mínimos de subsistencia aos veciños e ás veciñas da Coruña.
Prestación que atenda a persoas que se atopan na rúa por non ter un lugar onde pasar a noite e non teñen medios para satisfacer as súas necesidades básicas.
Ofrecerase información e/ou a xestión dos recursos municipais e das entidades sociais locais que estean dispoñibles para dar resposta á as necesidades detectadas. A atención prestada tentará ofrecer alternativas inmediatas e poñer en marcha procesos de intervención para mellorar as súas condicións de vida.
Conxunto de atencións domiciliarias, dirixidas a persoas en situación de dependencia recoñecida, co fin de atender as necesidades básicas da vida diaria e incrementar a súa autonomía, posibilitando a permanencia no domicilio.
Prestación dun conxunto de atencións domiciliarias con carácter personalizado, encamiñadas a reducir as limitacións para as actividades básicas da vida diaria e a socialización.
Servizo dunha comida diaria equilibrada no domicilio para persoas con limitacións, discapacidade ou con algún tipo de deterioración física ou psíquica que lles dificulte facer a compra e preparar a comida diariamente.
Dispositivo que lles permite ás persoas usuarias, ante calquera situación de emerxencia e con tan só apertar un botón, comunicarse coa central, atendida por persoal especializado, para dar resposta á crise presentada.
Diríxese á atención de persoas especialmente vulnerables e que padecen situacións de risco que se presentan de forma imprevista.
É un servizo especializado que presta atención cando os servizos sociais municipais e outros dispositivos públicos ou privados non están operativos.
Mediante o programa Talón Restaurante Municipal, proporciónanse menús equilibrados naqueles establecementos hostaleiros que participan no programa.
Así, as persoas beneficiarias, obteñen un talonario mensual de entre 10 e 25 bonos, cun valor de 4,44 € ou de 6 € cada talón, aboando en metálico a cantidade restante para completar o prezo do menú.
Convocatoria de prazas gratuítas para viaxar dentro das quendas programadas polo IMSERSO.
resultados 53
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible