Uso de cookies nas páxinas web do Concello de A Coruña

Nas páxinas web municipais utilizamos cookies propias e de terceiros para mellorar os nosos servizos mediante o análise dos seus hábitos de navegación. Se continúa navegando, consideramos que acepta o seu uso. Pode obter máis información, ou coñecer como cambiar a configuración, na nosa páxina de "Normas de uso"..

Concello da Coruña

Cando:

28 de abril de 2016

O alcalde salienta o papel do programa ‘Cultura Accesible e Inclusiva’ para a apertura á participación da cidadanía nas experiencias artísticas "excluíndo calquera barreira"

Xulio Ferreiro e a concelleira de Igualdade, Rocío Fraga, participación no acto de adhesión ao programa de dúas novas entidades colaboradoras: Aspronaga e Asociación Proxecto Máscaras

O alcalde da Coruña, Xulio Ferreiro, e a concelleira de Igualdade e Diversidade, Rocío Fraga, participaron hoxe no acto de adhesión de dúas novas entidades ao programa Cultura Accesible e Inclusiva, promovida tanto polo Concello como pola Fundación Emalcsa. Desta volta, os asinantes foron os representantes da Asociación Aspronaga, Elías Palacio Verdini, e da Asociación Proxecto Máscaras, Santiago González Iglesias.

Ferreiro, comentou, ao remate da firma, que o programa sobre cultura accesible “é moi importante xa que serve para a axudar a persoas con dificultades cognitivas e diversidades funcionais para poder acceder á cultura, e que poidan participar de todas as actividades que ofrece esta cidade”.

Concretamente tanto Aspronaga como a Asociación Proxecto Máscaras únense a este programa no que ademais do Concello e Emalcsa, xa figuran como entes colaboradores diversas asociacións integradas dentro do Comité Español de Representantes de Personas con Discapacidade (CERMI), ademais de Afundación, Abanca, a Real Academia de Belas Artes Nosa Señora do Rosario, Fundación Biblioteca Casa Consulado, Universidade da Coruña ou a Fundación Luis Seoane e o Consorcio da Música. “Cremos que a lista non parará de medrar nas próximas semanas”, explicou o alcalde.

O obxectivo fundamental deste programa é “promover e facilitar na Coruña a participación das persoas con diversidade funcional, especialmente, cando concorren factores asociados de risco de exclusión social e sempre considerando a perspectiva de xénero, na vida cultural e/ou no desenvolvemento da experiencia artística, en igualdade de oportunidades e excluíndo calquera barreira ou impedimento que dea lugar a súa discriminación”. En resume, Cultura Accesible e Inclusiva busca “potenciar un lecer inclusivo, con perspectiva de xénero, que opere tamén como mecanismo de transformación social”.

  • Concello da Coruña
    • Ayuntamiento de A Coruña | Concello da Coruña
    • Praza de María Pita, 1. 15001 A Coruña
    • 981 184 200 ou desde dentro do termo municipal ao teléfono de atención 010
Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Safari e Microsoft Internet Explorer 10 ou superior. Instalar agora un navegador compatible

?