O edil socialista e conselleiro pide que se aproveite a asignación de novo persoal para reestruturar o Instituto para atender con garantías a dimensión da programación e dos escenarios de xestión municipal
O Grupo Municipal Socialista lamenta que o goberno local non atendese a petición do PSOE para retirar da orde do día do consello reitor do IMCE o punto 2 no que se dá conta da asignación de funcións a un técnico da Área de Deportes.
O edil Fito Ferreiro deixou claro que non se opón á medida, pero si á adulteración do proceso, tendo en conta que se dá coñecemento de feitos consumados cando a medida tiña que ser aprobada previamente na xunta de goberno. Ademais, Fito Ferreiro entende que é bo aproveitar este momento para abordar unha reestruturación do Instituto Municipal Coruña Espectáculos co fin de mellorar a atención e dar a resposta necesaria á importante programación cultural da cidade.
A Coruña ten unha importante programación cultural e musical, con numerosos escenarios que en breve se van incrementar (teatro Colón e posiblemente o Palacio da Ópera), o que fai necesario repensar a estrutura do IMCE, que apenas conta con 12 persoas traballadoras. É bo momento para abordar esta situación, analizar as necesidades e as tarefas co fin de que haxa unha estrutura suficientemente dotada para dar resposta oportuna.
Desta maneira, Fito Ferreiro reiterou que non se rexeita a decisión, pero si a forma, porque non se está respectando o proceso. O edil socialista presentou un voto particular na realización do consello reitor pero non foi atendido e aprobouse, a pesar de que o artigo 15 dos estatutos din claramente que é competencia do consello aprobar as normas de funcionamento e a estrutura organizativa dos diferentes servizos do IMCE.
Datos de contacto
Enderezo: praza de María Pita, 1. 15001. A Coruña
Teléfono: 981 184 260
Correo electrónico: grupo.municipal.socialista@coruna.es
25 de maio de 2018
O portavoz, José Manuel García, interesouse polos proxectos da Asociación de Bulimia e Anorexia da Coruña, durante a súa visita á sede da entidade
22 de maio de 2018
21 de maio de 2018
22 de maio de 2018
resultados 73
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible