O PSOE visitou a asociación Xirxilar co ánimo de recoller as demandas da devandita entidade. Os socialistas compartimos un café con boa parte das cen mulleres que conforman a entidade e escoitamos a súa visión sobre a situación da cidade.

Así mesmo, o portavoz socialista, José Manuel García; o vicesecretario xeral e portavoz da agrupación, Juan Ignacio Borrego, e a secretaria de Igualdade, Miriam Couceiro, tomaron nota do estado do centro social que alberga a sede de Xirxilar e comprometéronse a lle trasladar ao Concello as demandas de mellora no servizo e no seu funcionamento.

Da mesma maneira, insistiron na posibilidade de seguir organizando actividades propias, á marxe das que ofrece o Concello, pois poden complementarse.

Xirxilar é unha asociación de mulleres que se creou a principios dos anos 90 na Sagrada Familia pero que conta con mulleres de todos os barrios da cidade, que se reúnen periodicamente e celebran diversas actividades que favorecen a convivencia.