Por iso, o Concello da Coruña ofréceche outras vías de contacto directo, e aínda que todas as administracións públicas están a fomentar desde hai xa uns anos o acceso electrónico da cidadaní á posibilidade de realizar a maioría dos trámites a través de mecanismo ou plataformas en liña que facilitan as xestións e o seguimento das xestións que toda a cidadanía ten que realizar en moitas ocasións.

Indicámosche as diferentes canles e formas de comunicación co concello e a súa xestión, sen olvidármonos dos métodos tradicionais como son o contacto telefónico e as oficinas presenciais para solicitar información e realizar diversas tramitacións e xestións.

Oficinas municipais de información e rexistro

Hai varias oficinas administrativas repartidas pola cidade para facilitar o acceso da cidadanía. Teñen un horario de apertura de atención directa, aínda que tamén se ofrece agora a posibilidade de realizar rexistros oficiais de documentos a través dos resgistros en liña ou electrónicos.

Ademais dos rexistros municipais, existen outros rexistros públicos dependentes doutras administracións que funcionan como "portelos únicos" para os efectos de presentación de solicitudes ou documentos.

Cada ano establécese, para os efectos de cómputos de prazos, o calendario de días inhábiles no ámbito das correspondentes administracións. Para comprobar os do ano 2017, tanto no ámbito do estado como na nosa comunidade autónoma, podes consultalos aquí.

+ INFORMACIÓN

Teléfono 010 de información cidadá

Este servizo trata de avanzar na mellora das funcións municipais ofrecendo a posibilidade de resolver cuestións sobre trámites ou xestións sen necesidade de desprazamentos mediante a información telefónica, ofrecendo tamén información sobre a cidade e os seus servizos,

+ INFORMACIÓN

Sede electrónica e trámites

A sede electrónica é un dos principais elementos que conforman o impulso da sociedade dixital e do coñecemento, tendo entre os seus obxectivos o de incrementar a confianza dixital da cidadanía na administración.

Pódese consultar a información sobre o conxunto de trámites que se poden xestionar co Concello (en que consiste, requisitos, documentación necesaria para inicialo, onde realizalo etc.), e a título informativo, moitos dos trámites máis habituais na cidade relacionados con outras administracións. Para os trámites municipais tamén se facilita, se é o caso, o acceso á versión en liña do trámite, así como a descarga da documentación para realizalo de forma presencial.

+ INFORMACIÓN

Preguntas da cidadanía

Este é o resumo das preguntas recibidas a través do portal municipal o pasado exercicio. Os datos da outra vía de atención non presencial, o servizo de información e atención telefónica 010, están recollidos dentro das memorias de xestión municipal anuais, aquí.

Páxinas web e redes sociais municipais

Ademais do portal municipal propiamente dito e os seus correspondentes perfís sociais (tanto en Facebook como en Twitter ), moitos servizos ou programas específicos municipais teñen páxinas web e perfís sociais propios. Consúltaos.

+ INFORMACIÓN

Suxestións e reclamacións

Informe mensual de xestión de suxestións e reclamacións. Inclúense tanto as queixas regulamentarias como aquelas que non son de contestación obrigatoria segundo o Regulamento orgánico de suxestións e reclamacións.