Uso de cookies nas páxinas web do Concello de A Coruña

Nas páxinas web municipais utilizamos cookies propias e de terceiros para mellorar os nosos servizos mediante o análise dos seus hábitos de navegación. Se continúa navegando, consideramos que acepta o seu uso. Pode obter máis información, ou coñecer como cambiar a configuración, na nosa páxina de "Normas de uso"..

Vivenda e rehabilitación

subvencións municipais

Desde o Servizo de Vivenda e Rehabilitación promóvense actuacións que incentiven a rexeneración urbana e do patrimonio existente na cidade da Coruña. Así mesmo, na súa actividade de fomento, promóvense subvencións para a rehabilitación e conservación dos inmobles, así como para o fomento da accesibilidade vertical.

Podes ter a información sempre á man descargando o catálogo "MIÑA CASA, MEU LAR"

1º - QUE ACTUACIÓNS SON SUBVENCIONABLES?

O art. 93 do Texto refundido da Ordenanza de Conservación e Rehabilitación de inmobles establece unha serie de actuacións subvencionables que son:

  • Rehabilitación para elementos comúns en inmobles con máis de 50 anos que non fosen obxecto de rehabilitación integral nese período.
  • Obras dirixidas á adecuación urbanística previstas polo plan xeral ou especial que o desenvolva, así como corrección daqueles elementos construtivos que estean fóra de ordenanza.
  • Obras que se deban executar como consecuencia da Inspección Técnica de Edificios.
  • Obras de accesibilidade en inmobles ou vivendas.
  • Instalación de ascensores ou adaptación á normativa vixente.
  • Obras para a mellora da eficiencia enerxética.
  • Obras de soterramento de cableado exterior.
  • Obras de conservación da habitabilidade en elementos privativos en edificios con máis de 50 anos.
  • Obras de rehabilitación en vivendas unifamiliares cunha antigüidade superior a 50 anos.

2º - QUEN PODEN PEDIR SUBVENCIÓN?

Poderán pedir subvención para as obras en elementos comúns, ascensores, soterramento de cableado ou mellora da eficiencia enerxética as Comunidades de Propietarios ou os propietarios, sobre o orzamento correspondente á súa cota de participación no inmoble, con autorización de todos os demais.

En obras de habitabilidade de vivendas ou en vivendas unifamiliares poderán solicitalos as persoas propietarias ou ocupantes con autorización deste.

3º - QUE CARACTERÍSTICAS TEÑEN QUE TER OS INMOBLES?

É condición indispensable para poder solicitar subvención para elementos comúns que o inmoble cumpra cos requisitos establecidos no art. 87 do Texto refundido da Ordenanza de Conservación e Rehabilitación de inmobles.

4º - CAL É A CONTÍA DAS SUBVENCIÓNS?

- OBRAS EN ELEMENTOS COMÚNS, ADECUACIÓN URBANÍSTICA, OBRAS COMO CONSECUENCIA DE ITE E OBRAS DE ACCESIBILIDADE:

  • A subvención será do 10% do orzamento protexido da obra cun máximo de 1.500,00 € por vivenda. Ademais, aquelas persoas beneficiarias que acrediten que no cómputo da súa unidade familiar non obteñen ingresos que superan en 3 veces o IPREM, poderán acollerse a unha subvención adicional do 20% da súa cota cun máximo de 2.000 €.
  • Se a actuación se realiza nun inmoble con catalogación monumental, integral ou estrutural a subvención será do 50% do orzamento protexido cun máximo de 5.000,00 € por vivenda.

O número de veces do IPREM incrementarase en 1 punto por ascendente ou descendente que conviva coa persoa solicitante e en 2 puntos se conviven no domicilio persoas con declaración de discapacidade que implique dependencia.

- OBRAS DE CONSERVACIÓN DA HABITABILIDADE EN ELEMENTOS PRIVATIVOS:

  • Se a persoa beneficiario acredita que no cómputo da súa unidade familiar non supera en 2 veces o IPREM, a subvención para percibir é dun 40% do orzamento protexido cun máximo de 4.800,00 €.
  • Se a persoa beneficiaria acredita que no cómputo da súa unidade familiar non supera en 3 veces o IPREM, a subvención para percibir é dun 20% cun máximo de 2.400,00 €.

O número de veces do IPREM incrementarase en 1 punto por ascendente ou descendente que conviva coa persoa solicitante e en 2 puntos se conviven no domicilio persoas con declaración de discapacidade que implique dependencia.

- OBRAS DE INSTALACIÓN DE ASCENSOR OU ADAPTACIÓN Á NORMATIVA VIXENTE:

  • Se no inmoble non reside de maneira habitual unha persoa con discapacidade que implique graves problemas de mobilidade a subvención é dun 30% do orzamento protexido cun máximo de 3.000,00 € por vivenda.
  • Se no inmoble reside de maneira habitual unha persoa con discapacidade que implica graves problemas de mobilidade, a subvención é dun 50% do orzamento protexido cun máximo de 5.000,00 € por vivenda.

- OBRAS DE MELLORA DA EFICIENCIA ENERXÉTICA:

  • Subvenciónanse nun 30% do orzamento protexido cun límite máximo de 3.000 € por vivenda.

- OBRAS DE REHABILITACIÓN EN VIVENDAS UNIFAMILIARES:

  • Subvenciónanse nun 30% do orzamento protexido cun límite máximo de 3.000 € sen que se poida incrementar esta porcentaxe por razón de ingresos familiares anuais.

5º - CANDO SE PODEN SOLICITAR?

Poderase solicitar cando se abra o prazo mediante a convocatoria pública, da cal se dará publicidade.

As convocatorias non teñen periodicidade establecida, polo que é recomendable estar atentos ás aperturas de prazo. Para iso poden informarse directamente nas nosas dependencias de maneira presencial ou telefónica, a través da consulta no Boletín Oficial da Provincia ou a través desta web.

6º - ONDE PODO OBTER MÁIS INFORMACIÓN?

Para ter máis información poden consultar a Ordenanza Municipal de Conservación e Rehabilitación de Inmobles que está dispoñible na web municipal.

Tamén poden facelo nas nosas dependencias situadas na planta baixa da Estación de Autobuses (rúa Caballeros, 21), no teléfono 981 184 200, a través do servizo 010 ou nesta web.

Noticias

Consulta do rexistro de ITE

  • Logo pé
    • Ayuntamiento de A Coruña | Concello da Coruña
    • Praza de María Pita, 1. 15001 A Coruña
    • 981 184 200 ou desde dentro do termo municipal ao teléfono de atención 010
Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Safari e Microsoft Internet Explorer 10 ou superior. Instalar agora un navegador compatible

?