Fusionar as artes do circo co popular xogo da buxaina e as raíces da cultura mediterránea é o principal obxectivo deste espectáculo de carácter contemporáneo.

"Un personaxe atrapado desde a infancia polo efecto xiroscópico da súa buxaina. Unha viaxe de enredos e xiros que nos transporta ao xogo, un dos estados máis importantes da vida".

A buxaina é un xogo máxico e ancestral cuns xiros hipnóticos que teñen un percorrido de máis de seis mil anos de historia. Este xoguete, camiño da extinción, é capaz de deter o tempo, xa que o simple feito de observar xirar o elemento permítenos illarnos da velocidade que rexe a nosa cotiandade.

FICHA ARTÍSTICA

Idea orixinal, dirección e interpretación: Guillem Vizcaíno

Mirada externa: Tomeu Amer

Deseño de luces: Jaume Miralles

Técnico de son e iluminación: Jaume Miralles

Deseño e creación de buxainas: Guillem Vizcaíno

Escenografía e vestiario: Cía. D'es Tro

Autor musical: Jaume Compte

Fotografía e vídeo: Pablo Caracuel

Produción: Noelia Caurel

EXPOSICIÓN DE BUXAINAS DO MUNDO.- Colección de Luis M. Ramas Ramírez

No vestíbulo do auditorio do Ágora

Buxainas de todos os tamaños, formas, cores e mesmo sabores... buxainas mudas, buxainas que cantan, buxainas escuras, buxainas iluminadas... buxainas antigas, buxainas de onte, buxainas de hoxe, buxainas de sempre... pero que só son buxainas cando ti as bailas.

VENDA DE ENTRADAS:

• WEB: www.ataquilla.com
• Despacho de entradas da praza de Ourense (agás festivos): de luns a xoves de 10.00 h a 14.00 h e de 15.00 h a 18.00 h e venres de 10.00 h a 15.00 h.
• Despacho de entradas do Ágora: dende unha hora antes do comezo do espectáculo (sempre que queden entradas dispoñibles)