Xudía e avogada, Lea Tsemel é un terremoto da avogacía en Israel. Especializada na defensa de prisioneiros políticos palestinos.

Traidora, avogada do diaño... Á letrada xudía Lea Tsemel chamáronlle de todas as formas posibles.

Está especializada na defensa de prisioneiros políticos palestinos e non ten pelos na lingua cos seus compañeiros de profesión. Acepta os retos máis difíciles, como o de representar a acusados palestinos que cometeron, presuntamente, delitos de terrorismo ou crimes contra cidadáns israelís, baixo a convicción de que a represión que sofre Palestina xustifica a súa loita pola liberación da súa terra.

Un seguimento exhaustivo durante a preparación das defensas de dous casos concretos, -o de Ahmad, un neno de 13 anos acusado de participar nun apuñalamento dun mozo israelí e o de Israa Jaabis, acusada polos oficiais israelís dun intento frustrado de atentado suicida-, achéganos á inclasificable e excepcional personalidade da protagonista. Defensora dos dereitos humanos e cunha enerxía inesgotable, leva máis de cinco décadas denunciando o estado de ocupación e represión que sofre a cidadanía palestina e, á vez, tentando facerlle entender á opinión pública que o Goberno de Israel é responsable desta violencia.

A historia dun terremoto no gremio da avogacía en Israel, desde onde Lea Tsemel nos envía un rogo e unha mensaxe poderosa: "Deberedes tentar comprenderme porque son o futuro".

2019

Israel, Canadá e Suíza

Hebreo, árabe e inglés

Subtítulos: catalán, español e inglés

VENDA DE LOCALIDADES

Venda en liña: corunacultura.sacatuentrada.es

Venda telefónica: 662 867 109

Venda no despacho de billetes do Centro Ágora: desde unha hora antes sempre que queden localidades dispoñibles.

Venda no despacho de billetes central da praza de Ourense: de luns a xoves de 10.00 h a 14.00 h e de 15.00 h e de 18.00 h e os venres de 10.00 h a 15.00 h (excepto festivos)