Por mor da pandemia sanitaria, e ante a imposibilidade de realizar un obradoiro presencial sobre saúde emocional a comezos de 2021, solicitamos unha entrega virtual na que se traballasen as ferramentas das emocións. 

A reprodución consta de dúas partes. A primeira é un vídeo de animación coa mascota do Programa Apego (o polbo Po) como protagonista, para vermos en familia. A segunda parte, dirixida ás familias, é un obradoiro virtual a cargo da psicóloga Raquel Bello, de Espacio Oikos, que explica o funcionamento das emocións e as ferramentas para o manexo da autorregulación.

O vídeo permanecerá aloxado na nosa web sen horarios, sen inscricións, sen medidas anti-covid!