Sinalamos que á beira do corpo teórico do que consideremos un urbanismo sustentable debemos sinalar, sen equívocos, cales son os obxectivos cuantificables que queremos alcanzar. É dicir, habémosnos/habémonos de comprometer coa determinación de metas concretas (en termos medibles) ou a Axenda será un desiderátum sen utilidade trasformadora algunha ou, no mellor dos casos, será un conxunto de proxectos inconexos a xestionar.

De forma moi resumida, para nós, o modelo urbano que mellor se axusta aos principios de eficiencia e habitabilidade urbana é a cidade compacta na súa morfoloxía, complexa na súa organización, eficiente metabólicamente e cohesionada socialmente. É o que poderiamos chamar urbanismo ecolóxico que adopta este modelo tanto na transformación de tecidos existentes como no deseño de novos desenvolvementos urbanos.