Diagnóstico

Pódense seguir estes pasos:

1. Identificación inicial de problemas / retos urbanos da área
2. Análise da conxunto da área urbana desde unha perspectiva integrada
3. Diagnóstico da situación da área urbana. Definición de resultados esperados.
4. Delimitación do ámbito ou ámbitos de actuación.

A determinación do estado de situación en cada cidade requirirá dun diagnóstico dinámico acerca dos procesos de reflexión estratéxica seguidos en cada ámbito urbano. Este aspecto é fundamental e enlaza coa proposta, verdadeiramente disruptiva, de superar e mesmo esquecer o deseño de estratexias en función dos fondos dispoñibles.

Aínda que sexa unha evidencia: ningunha cidade parte de cero á hora de abordar os ODS ou a propia esencia dunha Axenda Urbana/ Plan de Acción.

Marco xeral do PEAL

As principais tarefas a abordar serían:

1. Elaboración dunha matriz de elementos/ criterios/ principios/ liñas de acción/ indicadores incorporados nas diferentes Axendas

2. Diagnóstico e avaliación estratéxica da Coruña no que será preciso incorporar aspectos que preocupan singularmente ás áreas urbanas.

Ademais, débese incorporar, dentro do PEAL e como un dos seus aspectos fundamentais, un modelo de xestión relacional (concertación, cooperación, xestión de alianzas estratéxicas e interdependencias e participación), transparencia, datos abertos e avaliación de políticas públicas. Definir o modelo é a única maneira de mostrar á organización municipal cales son os obxectivos de e Participación e innovación democrática de orientala en conxunto cara á consecución de obxectivos que, necesariamente, demandan de complicidade de moitos actores públicos e privados e moitas áreas ou departamentos municipais.

No caso da cidade da Coruña plasmaríase, fundamentalmente, a través de tres instrumentos:

1. Protocolos de colaboración, a conformación de mesas multi-actor (Consello Social) e multinivel (Concello, AGE, Xunta e Deputación Provincial).
2. Incorporar ao GAU (Grupo de Acción Urbana, instrumento de participación e seguimento da estratexia DUSI da Coruña) as funcións de cooperación e colaboración multi-actor da axenda urbana en tanto non se constitúa o Consello Social da Coruña.
3. Mesa de Alcaldes e Alcaldesa da área Metropolitana da Coruña (AMAC), na que se abordan temáticas vinculadas á estratexia de construción metropolitana e a prestación de servizos metropolitanos.

Doutra banda, a dimensión financeira é fundamental para a viabilidade de calquera plan de acción local. Parte dun principio básico: o financiamento para a estratexia. A visión financeira debe contemplar un plan de investimento público que considere as fontes de financiamento do Fondo Europeo de Desenvolvemento Rexional (FEDER), as da Administración Xeral do Estado (AGE), as da Xunta e as da deputación provincial. E finalmente, a configuración dos orzamentos municipais en clave de ODS e, por tanto, en clave do plan de acción local derivado da AUE. Este plan de investimento público deberá verse complementado cun plan de investimento privado no que se contemple o investimento privado directo, as alianzas privado-privado, a cooperación público-privada, o establecemento de clusters, etc.

Para a correcta execución da estratexia é necesario definir un sistema de indicadores urbanos que faciliten o seguimento e avaliación da estratexia, e que as Entidades Locais poidan cuantificar o seu grao de compromiso en relación con cada obxectivo a través do establecemento duns resultados para alcanzar no ámbito temporal de aplicación da axenda urbana. A hipótese de partida baséase na necesidade de configurar un Sistema de Indicadores de Sustentabilidade Urbana (SIDUS) como ferramenta de pilotaxe do plan de acción local e como instrumento de comparación entre áreas urbanas e cidades.