En Verás que verán atoparás accións e actividades onde os protagonistas son os libros, a música, as películas... e a lectura.

• Contacontos
• Recomendacións de lecturas
• Mostras bibliográficas
• Podcast
• Préstamos de lotes de material

As Bibliotecarias Contan no verán

Damos continuidade durante os meses de verán á nosa programación de actividades destinadas para os mais pequenos e pequenas da casa.  As bibliotecarias, tamén, contan no verán.

Tedes unha cita é todos os vernes, de xuño, xullo e agosto,  ás 11:00 horas no Instragram das Bibliotecas Municipais da Coruña @bibcoruna.

Recomendamos lecturas: Guía de lectura 

Durante este verán o persoal bibliotecario seguimos facendo un dos traballos que máis nos gusta: recomendar lecturas. Por iso elaboramos unha guía de lectura con recomendacións de libros para todas as idades de infantil e xuvenil que de seguro contribuirán a poder viaxar coa imaxinación no espazo e no tempo, rir a gargalladas ou estremecervos de medo, lembrar outras épocas ou mesmo aguzar o enxeño ante un misterio. 

Ademáis, na Biblioteca Ágora elaboraron a guía Lecturas refrescantes, que recolle unha selección do máis fresco incorproado á biblioteca.

Mostras bibliográficas:

• San Xoán a través dos seus carteis: a colección de carteis que sobre a noite meiga, alberga a biblioteca de Estudos Locais.
• As Municipais Entenden: un ano máis festexamos o día do Orgullo falando de diversidade.
• Le, viaxa, sóña... e Verás que Verán: neste verán postconfinamento, tan diferente, queremos, pouco a pouco, volver á normalidade. No ciclo de verán Le, viaxa, soña...atoparedes unha serie de lecturas e cancións que vos farán viaxar a distintos lugares, sen necesidade de facer a maleta.
• Sobre os Dereitos civiles

Date ao lote e verás que verán:

A escolla dos documentos para o verán preparamos unha selección de lotes de materias para levar en préstamo. Estes lotes están categorizados por tramos de idade e por temática. Podes tramitar a solicitude do lote de material dende o formulario dispoñible na nosa páxina web ou chamando á biblioteca máis próxima. E como sempre, tamén intentaremos dar resposta ás necesidades particulares.

Lemos para ti:

Durante os meses de verán lemos para tí e acompañamoste a través da voz no noso podcast.