O día 29 de xaneiro de 2012, o Centro e a Biblioteca Ágora abren as súas portas á veciñanza. Desde o inicio, a Biblioteca centrouse no traballo coas entidades, centros escolares e persoas que viven, estudan e traballan nos barrios Agra e Ventorrillo.

A lectura compartida, a danza, as historias de vida, a formación das persoas ao longo da vida, o apoio aos centros escolares e ás persoas con problemas de acceso á lectura, os contos e a música son algunhas das liñas de traballo da Biblioteca.

Celebramos o noso X Aniversario cunha mostra das actividades desenvolvidas ao longo destes 10 anos para agradecer e festexar coas familias e as persoas que habitualmente nos visitan o camiño percorrido pola formación e a cultura da Biblioteca Ágora.