Outras actividades
Para público en xeral
Todos os públicos
Dende o 05/03/2020 ata o 09/05/2020
Xa rematou
9 a 21 horas
Biblioteca Municipal Sagrada Familia. Rúa Antonio Pereira 1, Bj. 15007 A Coruña
proxecto@acorunhadasmulleres.gal
A Coruña das Mulleres é un proxecto da Agrupación Cultural Alexandre Bóveda que quere construir de modo colectivo un fondo documental, gráfico e audivisual sobre a memoria feminina da cidade da Coruña. Dende as bibliotecas queremos contribuir a confeccionar ese fondo.
Desde a Asociación Cultural Alexandre Bóveda levan moito tempo denunciando a exclusión das mulleres do relato histórico e da memoria oficial. É necesario construír, de modo colectivo e cooperativo, un fondo documental, gráfico e audiovisual que sexa útil para a información, a consulta e a investigación sobre a memoria feminina da cidade da Coruña.
O PROXECTO
Co proxecto "A Coruña das Mulleres" pretendese construír, de modo colectivo e cooperativo, un fondo documental, gráfico e audiovisual sobre a memoria feminina da cidade da Coruña. Para que este proxecto teña posibilidades de éxito precisa voces moi diferentes, ensinantes e bibliotecarias, alumnado e coidadoras, operarias e escritoras... e, sobre todo, veciñas da Coruña que saiban historias e queiran tecer entre todas redes de colaboración para XUNTAS facer este traballo
Se sabes historias sobre traballos das mulleres, tes fotografías, ou algo que creas que debe ser contado, podes colaborar co proxecto deixando os teus datos en proxecto@acorunhadasmulleres.gal ou na urna que temos dispoñible na Biblioteca Sagrada Familia, Os Rosales, Forum, Castrillón e Monte Alto.
A EXPOSICIÓN
De marzo a maio, a exposición que dá difusión ao proxecto, así como tamén unha pequena selección de materiais relacionados con referentes femininos na cidade da Coruña, estarán expostos na Biblioteca Sagrada Familia, Os Rosales, Forum, Castrillón e Monte Alto.
Atoparedes a historia da inventora do libro electrónico, da primeira enfermeira que no mundo existiu, da primeira muller que dirixe un xornal no estado español... mais sobre todos atoparedes historias colectivas, das mestras represariadas, das cigarreiras e as súas folgas xa a mediados do século XIX, ou das lavandeiras...
Prazas esgotadas e lista de espera activa? Apúntate! Explicámosche por que. + info
Para o correcto desenvolvemento e aproveitamento das actividades rógase puntualidade xa que non se poderá acceder ao espazo pasados 5 minutos da hora de inicio.
No transcurso de todas as actividades o persoal bibliotecario realiza fotografías co obxectivo de subilas logo aos escaparates virtuais, redes sociais e/ou incluílas en carteis ou guías nos que se publicitan os programas, actividades e servizos das bibliotecas.
Se non desexas saír nestas fotografías, por favor, fala connosco antes do inicio da actividade.
Escribe a palabra ou palabras que desexas buscar:
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible