Minecraft é un xogo de aventuras, exploración e creatividade no que, desde unha perspectiva en primeira persoa, teremos que sobrevivir nun mundo composto por bloques -similares aos de Lego- que poderemos manexar ao noso antollo.

O único límite que temos é a imaxinación e, a pouco que comecemos a crear, darémonos conta de que as posibilidades á nosa disposición son practicamente infinitas.

Pero Minecraft non só serve para xogar. Grazas á creación de complementos, o xogo pódese converter nunha ferramenta de aprendizaxe de gran valor. Poderás xogar ao Minecraft ao mesmo tempo que aprendes electricidade, domótica, programación ou conceptos sobre redes informáticas.

Con Minecraft desenvolvemos ademais competencias como: a creatividade; diferentes maneiras de resolver un problema; competencias sociais; empatía, se se xoga en equipo; pensamento estratéxico (sabendo o que se quere, búscase a forma de conseguilo); visión espacial; e desde logo desenvólvese o «Fun Failure», pérdese o medo para fallar, porque forma parte do propio xogo.

Anímaste a sobrevivir no mundo Minecraft?