Charlas e debates
Persoas adultas
+ 18 anos
14/11/2019
Xa rematou
18.30 h
Biblioteca Municipal Os Rosales. Praza Elíptica 1, 1º. 15011 A Coruña
981 184389
Actividade enmarcada dentro do Ciclo de Emerxencia Climática da Biblioteca Os Rosales. Aventúrate a descubrir un novo tema de interese, a ampliar información e contrastar ideas, coñecementos, opinións arredor de temas de actualidade ou de interese xeral.
A finais de setembro pasado tivo lugar a "Folga mundial polo clima" apoiada, só no noso país, por máis de 300 colectivos e organizacións e á que se sumaron milleiros de persoas que saíron ás rúas para esixir aos gobernantes de todo o mundo un compromiso real na loita contra o cambio climático. Aínda que a expresión "cambio climático" xa forma parte do pasado, porque agora mesmo o que estamos é a falar de "emerxencia climática": a desaparición dos casquetes polares, o desxeo de Groenlandia, os incendios e a deforestación da Amazonia, a aceleración da subida do nivel dos océanos, a pérdida da biodiversidade, etc., son síntomas cada vez máis preocupantes do dano irreparable e probablemente irreversible que lle estamos a facer ao noso fermoso e único planeta.
Para falar do retos que nos supón como sociedade a situación actual do medio ambente, contamos coa presenza de José Antonio Cortés, profesor de socioloxía da UDC e experto en cambio climático.
Queres saber ...
En que consisten as charlas?
Soas ou en colaboración, as bibliotecas organizan charlas, conferencias, debates. Poden ser unha boa opción para achegarse a un tema de actualidade ou de interese xeral, e unha alternativa máis para descubrir cousas novas ou afondar nas que xa coñeces, para alimentar a reflexión persoal e/ou debater e compartir con outras persoas.
Colaboramos con expertos, programamos con entidades e asociacións da nosa contorna, especializadas en ámbitos diversos e ademais, recollemos todas as suxestións que nos chegan para mellorar a oferta día a día.
Para quen queira seguir pescudando procuramos seleccionar todo tipo de materiais: libros, revistas, documentais, recursos web etc. relacionados e ofrecelos en forma de guías de lectura, mostras, seleccións de recursos ou nos centros de interese que atoparás nas bibliotecas.
Se hai algún tema que che interese, se pertences a unha organización especializada en algo concreto e queres difundir o seu coñecemento e a súa actividade, ou se sabes dun tema e estráñalo na oferta das bibliotecas envíanos a túa proposta, axudaranos.
Máis informaciónTamén che pode interesar
Prazas esgotadas e lista de espera activa? Apúntate! Explicámosche por que. + info
Para o correcto desenvolvemento e aproveitamento das actividades rógase puntualidade xa que non se poderá acceder ao espazo pasados 5 minutos da hora de inicio.
No transcurso de todas as actividades o persoal bibliotecario realiza fotografías co obxectivo de subilas logo aos escaparates virtuais, redes sociais e/ou incluílas en carteis ou guías nos que se publicitan os programas, actividades e servizos das bibliotecas.
Se non desexas saír nestas fotografías, por favor, fala connosco antes do inicio da actividade.
Escribe a palabra ou palabras que desexas buscar:
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible