Charla: O porto interior da Coruña: un espazo de oportunidade para hoxe ou para sempre?

Iago Carro (Ergosfera)

• Luns 18 de novembro ás 19.00 h

• Acceso libre até completar a capacidade

O debate sobre o futuro dos terreos portuarios da Coruña é probablemente o máis importante a nivel urbano na actualidade, xa que determinará dun xeito moi significativo o devir da cidade: o impacto das decisións que se tomen nos próximos meses ou anos excederá por séculos aos ciclos políticos municipais, autonómicos, estatais e europeos. A charla será unha achega ao debate sobre o papel do porto interior como peza clave no centro da área metropolitana da Coruña: un solo público e un espazo urbano contemporáneo de gran singularidade, a nivel local e global, que é posible interpretar de xeitos moito máis ambiciosos que os que se están a formular desde as administracións e institucións con máis voz na conversa pública.