Distopías cotiás é espazo de reflexión -que nace da man de Coruña Dixital- sobre tecnoloxías e prácticas na contorna dixital que, ata hai ben pouco, ocupaban a esfera da ciencia ficción e que a día de hoxe xa forman parte, en maior ou menor grao, da nosa realidade cotiá.

A Biblioteca Ágora convértese cada mes nun foro que acolle encontros de pensamento contemporáneo que tratan cuestións que están a xerar fondos debates, polo seu enorme impacto na nosa sociedade como: ética tecnolóxica, soberanía dixital, capitalismo...

Nesta ocasión, o formato do encontro componse de:

• Charla inicial a cargo de Pablo Castro sobre "Ética, privacidade e tecnoloxía. Retos abertos para os anos 20". Pablo Castro é desenvolvedor frontend e co-fundador de Arengu, así como tamén activista destacado pola liberdade en Internet e o software libre. Leva 8 anos como unha das cabezas visibles do GPUL, un dos LUGS(Grupos de usuarios de Linux) máis grandes e activos de España, un par de eles facendo cousas pro-privacidade en Trackula e coorganizando AtlanticaConf, a maior conferencia tech de Galicia.
• Debate e conversa aberta entre as persoas asistentes.