Xurxo Mares presenta dous dos seus libros autoeditados: "Donde se vive" (2019) e "Bailando el agua" (2022). Tamén cantará acompañado pola súa guitarra, amenizando as pasaxes das obras.

O primeiro dos libros narra a vida do barrio Monelos nos anos 50 e 60, coa mirada dun neno que vai medrando nese ambente. Xogos, aventuras, amigos e trastadas sucédense en lugares como A Granxa, o cine Monelos, a Estación do Norte, As Cañas, Lazareto...

O segundo libro continúa coas décadas dos 70, 80, 90 e ata hoxe, xa noutro contexto e outras peripecias propias da idade do narrador; lugares como Discos Portobello, El Linar, el Cine Goya, Casa Enrique o El Cantón Bar van enchendo follas e capítulos.

María G. Cotelo, autora de "Un peixe na gorxa" (Editorial Toxosoutos) e coñecedora da obra de Xurxo Mares, fará unha semblanza dos libros.