Concello da Coruña

Concello da Coruña

Bibliotecas Municipais

Área de Fomento e Promoción da cidade

Poetas di(n)versos: Maram Al-Masri e Baldo Ramos

Por tipo de actividade:

Concertos e recitais

Por tipo de público:

Persoas adultas

Cando:

16/12/2019

Xa rematou

Inscricións:

Entrada libre ata completar a capacidade

Horario:

20.30h

Duración:

1h

Enderezo:

Centro Sociocultural Ágora. Lugar Gramela 17. 15010 A Coruña

Documentos:

decembro-2019.pdf (746 KB)

Regresa o ciclo "Poetas di(n)versos", as citas mensuais co mellor da poesía de Galicia e do resto do mundo conducidas pola escritora e xestora cultural Yolanda Castaño. Vai xa pola súa 11ª edición

Nada en Lataquia (Siria) en 1962, Maram al-Masri graduouse en Literatura Inglesa na Universidade de Damasco. En 1982 exiliouse en Francia, mais foi a capital siria quen vería publicado polo Ministerio de Cultura, dous anos máis tarde, un primeiro poemario escrito en colaboración: Ameázote cunha pomba branca.

Dedicada dende entón á literatura e á tradución, foi publicando libros de poemas en árabe e vertidos a nove idiomas distintos, polos que recibiu galardóns internacionais coma o Premio Adonis no Líbano, o Premio Société des Gens de Lettres de Francia, o Calopezatti e o Premio NordSud di Letteratura en Italia, igual ca o Laurentum Dante Alighieri e mais o Premio Fiore D'Argento á Excelencia Cultural, o Antonio Viccaro de Trois-Rivières (Quebec) ou o Al Bayane de poesía francófona (Marrocos). Ademais, o seu nome soou entre as nomeadas ao Premio Nobel en 2016.

Só en España e en tradución ao castelán, cóntase con nove títulos: Cereza roja sobre losas blancas 2002), Te miro (2005), El retorno (2007), Señales del cuerpo (2010), Almas con pies desnudos (2016), Desnuda va la libertad (2017), El vestido arrugado (no prelo), El rapto (pendente de publicación nunha edición especial ilustrada por Rafael Canogar).

Fondamente comprometida coa loita a favor do seu país, máis aínda dende o estalido da revolución  siria, Maram al-Masri é hoxe unha das grandes voces poéticas de Oriente Medio e de Francia.

Consulta os materiais dispoñibles de Maram Al-Masri

O poeta e artista plástico Baldo Ramos naceu en Celanova en 1971. Conformada por quince libros publicados, a súa obra poética ábrese cun primeiro título publicado en castelán en Pre-Textos e galardoado co Premio Arcipreste de Hita, para dar paso moi axiña a A árbore da cegueira (2002), que se faría co Premio Concello de Carral. Un novo poemario en castelán leva, ao ano seguinte, o accésit do Premio de Poesía Iberoamericana Víctor Jara, e en 2009 Palabras para un baleiro faise co Fiz Vergara Vilariño. Os títulos máis recentes deste poeta viron a luz en Galaxia no pasado e no presente ano: Cartas dende o esquenzo e Porque te quero.

Cunha ampla bibliografía canto a libros colaborativos, Ramos ten traballado man a man con distintos artistas e escritores. Por exemplo, fíxoo co escultor Caxigueiro no proxecto Os ollos das palabras (2012), con Carlos González Villar nos libros de artista Onde beben os cervos que amansou o calígrafo (2013) e As raiceiras do frío (2016), con Xosé Mª Álvarez Cáccamo en CaRa inversa (2014) e en librosconversos (2016) e con Frank Meyer en 1+1=3 (2015), todos publicados por institucións e editoriais de renome.

A súa obra aparece representada en antoloxías publicadas en Galicia, Madrid, Caracas ou Dublín da man de editoras literarias do prestixio de Teresa Seara, Amalia Iglesias, Ana Gorría ou Manuela Palacios, entre outras.

Consulta os materiais dispoñibles de Baldo Ramos

Queres saber ...

  • Poetas di(n)versos

    En que consiste Poetas di(n)versos?

    O ciclo "Poetas di(n)versos" está composto de citas mensuais coa mellor poesía de Galicia e do resto do mundo. Son actos de arredor dunha hora de duración, abertos e totalmente gratuítos, nos que propios e estraños poderán gozar de versos lidos en idioma orixinal e en tradución ao galego, nas voces dos seus autores e autoras, para descubrir a forza e emoción da palabra lírica.

    Máis información

Tamén che pode interesar

As inscricións

Prazas esgotadas e lista de espera activa? Apúntate! Explicámosche por que. + info

Para ter en conta

Para o correcto desenvolvemento e aproveitamento das actividades rógase puntualidade xa que non se poderá acceder ao espazo pasados 5 minutos da hora de inicio.

No transcurso de todas as actividades o persoal bibliotecario realiza fotografías co obxectivo de subilas logo aos escaparates virtuais, redes sociais e/ou incluílas en carteis ou guías nos que se publicitan os programas, actividades e servizos das bibliotecas.

Se non desexas saír nestas fotografías, por favor, fala connosco antes do inicio da actividade.

Buscador de actividades

Escribe a palabra ou palabras que desexas buscar:

Se o prefires, combina distintos criterios na procura avanzada ou busca nun calendario

Que che parece esta sección?

-101-101-101

Síguenos en

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión