O vindeiro luns 20 de xaneiro ás 19.00 horas, teremos a ocasión de escoitar a África López Souto -escritora e profesora de Filosofía no IES Urbano Lugrís da Coruña- presentando o seu libro "Mulleres que (nos) dan que pensar" na Biblioteca Municipal Ágora.

Acompañando á autora, asistirán Susana López Abella -Secretaria Xeral de Igualdade- e Francisco Castro, Director Xeral da Editorial Galaxia.

"Cómpre sacar á luz mulleres que foron agochadas, esquecidas, banalizadas. Pararnos a pensar con elas e sobre elas. Aprender das máis coñecidas, pero sobre todo das moitas próximas. Coñecer que existiu unha oceanógrafa como Ángeles Alvariño, a primeira almiranta, Sabela Barreto; a primeira farmacéutica galega, Manela Barreiro, as primeiras universitarias. A enumeración é longuísima e aínda será máis. Ampliala é unha forma de construír sororidade, de dar pasos sen ter que ser sempre pioneiras. Tamén seguidoras, seguidores. De moitas desas mulleres, fala este libro".

(Sinopse da obra extraído da web da Editorial)