A OMS define a saúde mental como un estado de benestar no que a persoa realiza as súas capacidades e é capaz de facer fronte ao estrés normal da vida, de traballar de forma produtiva e de contribuír á súa comunidade.

Porén, durante a pandemia, semella que se puxeron de manifesto as carencias e vulnerabilidades do noso sistema á hora de abordar o significativo aumento dos trastornos psicolóxicos que se veñen producindo e que, directa ou indirectamente, aféctannos a case todos.

Por iso, na Biblioteca Os Rosales pensamos que é o momento oportuno para iniciar unha conversa sobre a necesidade de promover o coñecemento sobre a saúde mental e o decisivo papel que xoga nas nosas vidas.

Esta é a nosa proposta: 

• Unha mostra documental con materiais diversos sobre temática (ensaio, narrativa, contos, cómic, cine, etc.), tanto na sala infantil coma na de adultos.
• Lecturas e debates sobre saúde mental dentro das sesións do trimestre dos programas da sala de adultos: Café con libros e O Pensatorio.
• Dous encontros con autorxs: Berta Dávila (escritora) e Victor M. Torrado (psicólogo clínico).