Charlas e debates
Persoas adultas
+ 18 anos
25/05/2022
Xa rematou
Entrada libre ata completar a capacidade
18.30 h
Biblioteca Municipal Os Rosales. Praza Elíptica 1, 1º. 15011 A Coruña
981 184 389
Aventúrate a descubrir un novo tema de interese, a ampliar información e contrastar ideas, coñecementos opinións arredor de temas de actualidade ou de interese xeral.
Como pensa o mundo? Como coñecen as outras tradicións? Como viven o resto das culturas? Cales son os seus valores e crenzas? Normalmente non somos conscientes de como os sistemas de pensamento nos que nacemos conforman as nosas opinións. Porén, confrontar as nosas ideas coas do resto de tradicións culturais axúdanos a cuestionar o que pensamos e como pensamos. Tamén a descubrir outras formas de afrontar e resolver os problemas; outros xeitos de sentir e de mirar; outras maneiras, ricas e diversas, de ser humanos.
Nesta charla, enmarcada dentro do ciclo temático SABEDORÍAS DO MUNDO, invitámosche a facer un percorrido por algunhas das máis importantes tradicións sapienciais do mundo (taoísmo, confucianismo, hinduísmo, budismo, zen, etc.) co propósito de achegarnos as súas formas de experimentar a realidade e coñecelas mellor para coñecernos mellor tamén a nós mesmos. Para falar sobre o tema contamos con Benito Arbaizar Gil, catedrático de Filosofía na Ensinanza Secundaria, profesor tutor durante 18 anos na UNED e actualmente vencellado ao departamento de Filosofía e Antropoloxía de la USC como Profesor Asociado, en donde imparte docencia tanto no Grao como no Máster. Aparte de multitude de artigos en revistas divulgativas especializadas, publicou unha monografía sobre Copérnico, un libro de texto titulado 'Cultura relixiosa' e dous libros de texto sobre a asignatura de Historia da Filosofía.
Queres saber ...
En que consisten as charlas?
Soas ou en colaboración, as bibliotecas organizan charlas, conferencias, debates. Poden ser unha boa opción para achegarse a un tema de actualidade ou de interese xeral, e unha alternativa máis para descubrir cousas novas ou afondar nas que xa coñeces, para alimentar a reflexión persoal e/ou debater e compartir con outras persoas.
Colaboramos con expertos, programamos con entidades e asociacións da nosa contorna, especializadas en ámbitos diversos e ademais, recollemos todas as suxestións que nos chegan para mellorar a oferta día a día.
Para quen queira seguir pescudando procuramos seleccionar todo tipo de materiais: libros, revistas, documentais, recursos web etc. relacionados e ofrecelos en forma de guías de lectura, mostras, seleccións de recursos ou nos centros de interese que atoparás nas bibliotecas.
Se hai algún tema que che interese, se pertences a unha organización especializada en algo concreto e queres difundir o seu coñecemento e a súa actividade, ou se sabes dun tema e estráñalo na oferta das bibliotecas envíanos a túa proposta, axudaranos.
Máis informaciónTamén che pode interesar
Prazas esgotadas e lista de espera activa? Apúntate! Explicámosche por que. + info
Para o correcto desenvolvemento e aproveitamento das actividades rógase puntualidade xa que non se poderá acceder ao espazo pasados 5 minutos da hora de inicio.
No transcurso de todas as actividades o persoal bibliotecario realiza fotografías co obxectivo de subilas logo aos escaparates virtuais, redes sociais e/ou incluílas en carteis ou guías nos que se publicitan os programas, actividades e servizos das bibliotecas.
Se non desexas saír nestas fotografías, por favor, fala connosco antes do inicio da actividade.
Escribe a palabra ou palabras que desexas buscar:
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible