Javier Becerra, xornalista e divulgador musical que o ano pasado editaba o libro infantil ¡Esto es pop!, propón unha viaxe a través da historia da música pop.

Desde hai tres anos, ofrece en colexios, festivais e centros culturais unha serie de charlas interactivas nas que se lles presenta os momentos clave da historia da música pop, en ton divulgativo e adaptado para nenas/os. O obxectivo? Abrirlles aos máis pequenos e ás máis pequenas as portas dun mundo marabilloso. Trátase de reflectir, a golpe de impacto e con moitas risas, a evolución desde o nacemento do rock and roll ata hoxe, involucrando as crianzas para bailar, gritar e cantar. Desde Elvis Presley a David Bowie, pasando por Aretha Franklin, Madonna e Beyoncé, todo iso sen esquecérmonos de The Beatles, James Brown ou Patti Smith, hai un universo marabilloso por descubrir.

O percorrido está cheo de sorpresas, revelacións e sobre todo moita diversión.