O luns 23 de maio, ás 19:00 h, teremos a presentación do libro póstumo de Lino Braxe, "Sidi, unha viaxe cara á vida" editada en galego e castelán por Hércules Edicións.

No acto participarán:

• María Braxe (Irmá de Liño e autora das ilustracións)
• Xanina Fernández (Viúva de Lino Braxe)
• Laura Rodríguez (Directora de Hércules Edicións A Coruña)
• Raúl Bicada (Delegado de Terra de homes en Galicia).

Ao finalizar o acto poderase adquirir a obra, cuxos dereitos da venda irán destinados á Fundación Terra de Homes.

SINOPSE:

Desde un remoto lugar situado entre dous mundos, Sidi -un mozo valente e soñador- emprende unha viaxe física e emocional que cambiará para sempre a súa vida e a de Raúl, o seu cariñoso pai acolledor.

LINO BRAXE:

Comezou no teatro profesional en 1985, coa Compañía Luís Seoane. Actuou en producións da Escola Dramática Galega, do Centro Dramático Galego, Malbarate e outras. Tamén foi actor de dobraxe e radio. Foi un dos fundadores da revista Luzes de Galicia. Dirixiu, ata o seu falecemento, o grupo de teatro da Agrupación Cultural Alexandre Bóveda.

Tamén foi locutor de RNE durante dez anos. Nese período de tempo adaptou para a radiola obra dramática completa de Álvaro Cunqueiro e Eduardo Branco Amor.

Foi autor de varias obras de poesía, narrativa, teatro e de literatura infanto-xuvenil, ademais de participar en numerosas obras colectivas.