Encontros e presentacións
Persoas adultas, Xuvenil
21/02/2022
Xa rematou
Entrada libre ata completar a capacidade
De 19 a 20 horas
Biblioteca Municipal Fórum Metropolitano. Rúa Río Monelos 1. 15006 A Coruña
bforum@coruna.gal
Tel.: 981 184 298
#LunsDeEncontros nace co obxectivo de ofrecer un espazo cultural aberto á cidadanía, cedendo un lugar para o desenvolvemento de actividades de promoción lectora, formación e aprendizaxe.
A Asociación de Veciños Oza, A Gaiteira e Os Castros organiza na Biblioteca Municipal Forum Metropolitano organiza o próximo luns 21 de Febreiro ás 19,00 h., a presentación do libro publicado por Laiovento, "Os restos do franquismo en Galiza" de Manuel Monge, dentro do programa #LunsDeEncontros.
Nun primeiro inventario, este libro pon de manifesto que aínda quedan en Galiza sobre 600 símbolos franquistas en 87 concellos: rúas, retratos, placas, esculturas e todo tipo de distincións que exaltan, honran e distinguen golpistas, franquistas e criminais. Fundacións franquistas; malfeitores e servidores da ditadura son premiados con títulos nobiliarios; a familia Franco conserva propiedades que roubou e recibe todo tipo de privilexios; policías torturadores conservan as medallas e incrementan a súa pensión pola actividade criminal na ditadura franquista.
Todo isto xa foi denunciado en numerosas ocasións por organizacións internacionais e comisións de dereitos humanos da propia ONU, sen que esas denuncias fosen atendidas polo goberno.
A permanencia da simboloxía franquista é unha exaltación das persoas que participaron en 1936 no golpe de Estado contra a República e das que formaron parte dos gobernos da ditadura, colaboraron ou ocuparon cargos de responsabilidade nas distintas institucións do franquismo.
Manuel Monge González (Laguna de Duero-Valladolid, 1947) é mestre e sociólogo. Foi vicepresidente da Asociación de Veciños de Monte Alto; coordinador da Comisión en Defensa do Asilo de Adelaida Muro; concelleiro do BNG na Coruña de 2003 a 2007; presidente da CRMH da Coruña (2007-2011). Na actualidade é secretario do club de opinión Foro Cívico e presidente de Defensa do Común.
É autor de Autovías galegas. Crónica dunha farsa (1999); A Coruña de Paco Vázquez (2003); Outra Coruña é posíbel (2007); A historia secuestrada polo franquismo (2010); O «camarada Fraga» e as vítimas da represión franquista (2014); Perdemos o tren. As claves políticas do atraso (2014); O poder na Coruña. De Vázquez a Negreira (2015); Indecencias e corruptelas (2015); Os Borbóns: unha monarquía escandalosa. A Herdanza do franquismo (2016); O perverso goberno de Feijóo. Sete anos en negro (2016); Guía para non perderse en política. 120 realidades silenciadas (2018); Os restos do franquismo en Galiza (2020); Una monarquía corrupta y heredera del franquismo (2021)
Tamén che pode interesar
Prazas esgotadas e lista de espera activa? Apúntate! Explicámosche por que. + info
Para o correcto desenvolvemento e aproveitamento das actividades rógase puntualidade xa que non se poderá acceder ao espazo pasados 5 minutos da hora de inicio.
No transcurso de todas as actividades o persoal bibliotecario realiza fotografías co obxectivo de subilas logo aos escaparates virtuais, redes sociais e/ou incluílas en carteis ou guías nos que se publicitan os programas, actividades e servizos das bibliotecas.
Se non desexas saír nestas fotografías, por favor, fala connosco antes do inicio da actividade.
Escribe a palabra ou palabras que desexas buscar:
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible