Froito da lectura grupal no Club de lectura QUEERuña de "Para acabar con Eddy Bellegueule" e da adaptación teatral en "Para acabar con Eddy" que se representou na cidade no pasado mes de maio no marco do Corufest, organizamos este obradoiro de adaptación de textos literarios ao cine e ao teatro.

Gustavo del Río e Xosé Leis, directores do festival, falarannos dos procesos de dramaturxia a partir de textos literarios, documentais ou xornalísticos para coñecer os traballos que fan posible unha futura posta en escena; despois darase un repaso por casos prácticos actuais onde o punto de partida non foi un texto teatral (como ocorre no caso de Para acabar con Eddy Bellegueule) e, por último, levaranse a cabo propostas de escritura dramática ou dramaturxia actoral baseada na experiencia dos dous directores e conformando un pequeno texto dramático.