O próximo xoves 2 de Decembro ás 18:00 h. temos na Biblioteca Municipal Fórum Metropolitano o obradoiro O barrio e as especies invasoras, impartido por Manu Sánchez e Jose Angel Paz.

Neste obradoiro dirixido a nenos e nenas de 8 a 12 anos, percorreremos a historia da formación do barrio e os seus cambios, atendendo á natureza e ás especies de plantas e bechos que invaden o noso entorno.

Biografías:

• Manu Sánchez é un profesional do turismo con máis de 10 anos de experiencia no sector e que actualmente traballa coma guía oficial de Galicia. Xunto con Aida Aguiar, é un dos compoñentes de Cascarilleiros, unha iniciativa de turismo sostible e paseos guiados alternativos pola cidade da Coruña.
• José Ángel Paz é Educador Social e titulado no eido do tempo libre e lecer con máis de 10 anos de experiencia. Nestes anos deseñou diferentes actividades de lecer para todas as idades, incluíndo a interpretación do Patrimonio e dinámicas medioambientais.