Paula C. Frías presenta na Biblioteca Ágora "Historias para vivir: mi viaje hacia la locura", un libro no que narra de forma persoal o camiño da autora a través da depresión, a ansiedade e un trastorno alimenticio.

O prólogo da obra está escrito por Luis Ferrer i Balsebre, psiquiatra do CHUAC e para quen "Historias para vivir" é un documento biográfico qu mostra de maneira sinxela, fresca e sincera, o padecemento de moitos pacientes que teñen que batallar a diario cos síntomas psíquicos e o estigma que estes aínda teñen na sociedade. O encontro preséntase como un diálogo sobre o tema entre especialistas, pacientes, familiares e público en xeral.

Sinopse da obra

Aos doce anos quixen tirarme polo balcón dun piso 17.

A partir de entón, a miña vida cambiou. Paso a paso, sen eu sabelo. Podo que me baixara da varanda, pero hai algo na miña mente que quedou agarrada a ela.

Escribir este libro salvoume a vida.

Fai uns anos, os médicos non deixaban de repetirme "escribe, escribe, escribe", preocupados pola miña saúde mental. A depresión, a ansiedade e un trastorno da conduta alimentaria acompañáronme desde sempre.

O que comezou como un exercicio terapéutico para enfrontarme aos meus tres monstros, converteuse nun texto que quizais reflicte parte do teu traxecto e oriente a quen descoñeza o mapa das enfermidades mentais.

En Historias para vivir narro a miña viaxe cara a loucura, no que, aínda que non o creas, non falta o sentido do humor. Gustaríame que me acompañaras...

Ves?