Encontros e presentacións
Persoas adultas, Xuvenil
26/05/2022
Xa rematou
Acceso libre até completar capacidade
De 19.00 h. a 20.00 h.
Biblioteca Municipal Fórum Metropolitano. Rúa Río Monelos 1. 15006 A Coruña
Tel.: 981 184 298
César Concheiro presenta o seu libro na Biblioteca Fórum Metropolitano.
O xoves 26 de maio, ás 19:00 h, César Concheiro Guerrico presentará o seu libro "Relatos de cascarilla: 12 contos de xente da Coruña" acompañado da escritora Beatriz Maceda, a ilustradora do libro e escritora Laura Veleiro e os editores de o Grupo Beroly Bernabé Simes e José Manuel Yáñez.
SINOPSE:
Relatos de Cascarilla achéganos ás vidas de distintas persoas que comparten como escenario a cidade da Coruña.
No transcurso dos relatos acompañaremos aos protagonistas por ledicias e tristuras, por amores ou soidades, por tempos pasados e tempos por vir, e veremos como teñen en común algo máis que un lugar ou un tempo.
A necesidade de comprensión, agarimo e amizade ábrese paso encarnada nas persoas que desfilan ante nós, amosándose aos nosos ollos e ao noso entendemento como seres fráxiles, resistentes, efémeros e todos eles importantes.
CÉSAR CONCHEIRO GUERRICO:
Dedicado profesionalmente á música como intérprete e profesor, nos últimos tempos a súa creatividade manifestouse tamén na escritura, materializándose en textos de sinxelas formas mais con fondos contrapuntos.
Tamén che pode interesar
Prazas esgotadas e lista de espera activa? Apúntate! Explicámosche por que. + info
Para o correcto desenvolvemento e aproveitamento das actividades rógase puntualidade xa que non se poderá acceder ao espazo pasados 5 minutos da hora de inicio.
No transcurso de todas as actividades o persoal bibliotecario realiza fotografías co obxectivo de subilas logo aos escaparates virtuais, redes sociais e/ou incluílas en carteis ou guías nos que se publicitan os programas, actividades e servizos das bibliotecas.
Se non desexas saír nestas fotografías, por favor, fala connosco antes do inicio da actividade.
Escribe a palabra ou palabras que desexas buscar:
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible