Con motivo do seu 30 aniversario, Mofa & Befa emprenden o seu proceso creativo máis arriscado e experimental, coa incorporación de tres mulleres na dirección e no texto, pero mantendo a estrutura, o estilo, e as intencións "didácticas" que sempre caracterizaron a este dúo. Pirolíticos é esencialmente unha guía para orientar o público sobre as novas masculinidades de sempre e conseguir (no caso dos homes) unha correcta pirólisis en 10 pasos sinxelos.

Do mesmo xeito que os fornos modernos, é necesario conseguir un estado "sen carga total" para poder comprender e asumir os novos conceptos que o Feminismo achegou nas últimas décadas.

Cunha estrutura en sketches, como é habitual en Mofa & Befa e, por suposto, con música (nesta ocasión, cun marcado estilo perrallas rock) Pirolíticos escenifica situacións ben reconocibles polo público, co fin de conseguir unha mellor comprensión da "Guía Rápida para unha Correcta Pirólisis".

Mofa & Befa saen do armario con lentes violeta e non quedan nada mal.

Intérpretes: Evaristo Calvo e Víctor Mosqueira

Autoría: Lucía Aldao, María Lado e Clara Gayo

Dirección: Clara Gayo

Espectáculo en galego

Venda de entradas

Despacho de billetes da praza de Ourense: de luns a venres (excepto festivos) de 11.00 a 15.00 e de 16.30 a 19.30 h

Despacho de billetes do Fórum: días de función desde unha hora antes (só se quedan localidades)

Venda en liña: ataquilla.com