¿En que consiste O Pensatorio - Café filosófico?

O Pensatorio pretende ser un espazo de encontro para persoas ás que lles gusta dialogar e debater ideas achega do mundo que nos rodea. Nel propoñémonos retomar a vertente práctica e comunitaria da filosofía, que se basea no exercicio activo e en común da capacidade racional que todos temos.

A partir de distintos materiais (textos filosóficos, literarios, etc), que nos servirán de eixo temático, e ao longo dunha serie de sesións, iniciaremos un diálogo aberto que non necesariamente ten que conducirnos a respostas concluíntes e definitivas senón, máis ben, como corresponde á verdadeira actitude filosófica, a abrir novos interrogantes e descubrir puntos de vista alternativos aos nosos.

Para participar non é necesario ter coñecementos previos de filosofía, tan só espírito crítico e ganas de cuestionarse as cousas.