Condicións para o préstamo de tabletas

• É necesario ser socio/a da biblioteca, maior de idade e presentar o carné xunto co DNI no momento do préstamo. Non poderá ter o carné penalizado.
• A persoa interesada debe ler e asinar un documento de aceptación das condicións de uso así como facilitar o DNI para facer unha fotocopia que se achegará co devandito documento.
• O/a usuario/a interesado/a solicitará o servizo no mostrador da biblioteca.
• A duración do préstamo será de 21 días.
• Prestarase un dispositivo por persoa cos accesorios oportunos.
• O persoal da biblioteca comprobará que a tableta vaia acompañada dos seus accesorios. Isto farase antes do préstamo e no momento da devolución. A persoa usuaria terá que estar presente.
• Ao devolver a tableta, restaurámola á configuración inicial para limpar todos os datos persoais e apps descargadas. A túa seguridade e privacidade quedan garantidas.

Condicións de uso

• O préstamo e a devolución realizaranse na propia biblioteca e entregaráselle en man ao persoal bibliotecario.
• O dispositivo ten que ser devolto con batería para ser aceso e con todos os accesorios.
• A persoa usuaria non poderá "rootear" ou piratear a tableta, calquera práctica que implique cambiar ou modificar o sistema operativo e a zona de memoria onde se gardan os valores de fábrica da tableta. A persoa usuaria poderá instalar calquera programa que non lle afecte ao funcionamento de baixo nivel da tableta, para que esta poida ser reseteada sen problemas aos seus valores de fábrica.
• Haberá que comunicar no momento da devolución se hai algún problema de funcionamento do aparello. De non comunicarse, considerarase responsable a última persoa usuaria e aplicaráselle a sanción correspondente.

Incumprimento das condicións de uso

• Cando a persoa usuaria se atrase aplicaráselle a mesma sanción que co resto dos materiais da biblioteca: días de atraso equivalentes a días sen préstamo.
• Devolver o lector con danos debido a un mal uso levará unha sanción de 3 a 6 meses sen facer uso dos servizos das bibliotecas municipais para os que se requira a presenza do carné (préstamo, internet). Coa reparación dos danos eliminarase a sanción.
• Non devolver o dispositivo ou algún dos seus compoñentes implicará unha suspensión permanente do uso do carné das bibliotecas municipais. Soamente a reposición dos aparellos eximirá de tal sanción.