Concello da Coruña

Podes descargar o regulamento completo ao final desta páxina.

Categorías de Máster: competirán na que lles corresponda por idade cumprida no comezo da primeira carreira que conforma o circuíto, e manterase a dita categoría ata a última proba. Quen se inscriba en calquera das carreiras do circuíto acollerase a esta mesma regra, co fin de que todos/as participen en igualdade de condicións.

* Establécense tres modalidades para persoas con DISCAPACIDADE:

• Atletas en cadeira de rodas que non teñan mecanismos nin engrenaxes que axuden á impulsión daquelas. Tan só está permitido o impulso cos brazos sobre o aro adherido á roda. Non se permitirá o uso de bicicleta de man ou handbike.
• Discapacidades visuais
• Discapacidades intelectuais

As persoas que queiran participar en calquera das modalidades de discapacidade, terán que acreditar a dita circunstancia (discapacidade física, psíquica ou sensorial igual ou superior ao 33% certificada) nos prazos de inscrición que estableza o Servizo Municipal de Deportes, enviando un correo a carreraspopulares@coruna.gal. A acreditación que se faga para o circuíto será válida para todas as carreiras que o integran. En caso de non seguir este procedemento, a súa participación puntuará na categoría xeral.