Uso de cookies nas páxinas web do Concello da Coruña

Nas páxinas web municipais utilizamos cookies propias e de terceiros para mellorar os nosos servizos mediante a análise dos seus hábitos de navegación. Se continúa navegando, consideramos que acepta o seu uso. Pode obter máis información, ou coñecer como cambiar a configuración, na nosa páxina de "Normas de uso".

Concello da Coruña

Nota informativa

O Servizo de Deportes informa:

ADIAMENTO DA X CARREIRA POPULAR TORRE DE HÉRCULES # QUERÉMONOS VIVAS

Ante a incidencia da situación provocada polo COVID-19, en consonancia coas recomendacións do Ministerio de Sanidade, a Xunta de Galicia e o bando da alcaldesa, e tendo en conta que a realización da carreira implica unha aglomeración de máis de 1.000 persoas, a X edición da Carreira Popular Torre de Hércules # Querémonos Vivas programada para o 28 de marzo queda aprazada ata nova data, que será comunicada no momento que sexa posible.

Lamentamos os inconvenientes xerados e pedímoslles desculpas ás persoas afectadas. Agradecemos de antemán a súa colaboración.

Carreira Popular Torre de Hércules

Comunicado

Inscrición menores Andaina Solidaria

A inscrición da Andaina Solidaria está dirixida a todas as idades. Lémbrase que non se trata dunha proba deportiva competitiva.

A pesar disto, pedimos responsabilidade na participación na proba e que non se inscriba a nenas e nenos que non sexan capaces de camiñar os 6.625 metros que están previstos.

Como establece o regulamento da proba no seu artigo 9, a participación no evento está baixo a responsabilidade e risco de cada unha das persoas participantes.

A organización non se fai responsable dos danos materiais ou morais que se lle poidan ocasionar ás persoas participantes da proba, nin tampouco dos posibles descoidos ou imprudencia que poidan cometer as devanditas persoas participantes.

Cartel oficial da carreira

Presentación

O Concello da Coruña e a Fundación EMALCSA colaboran na organización da X Carreira Popular Torre de Hércules "Trofeo José Antonio Varela Calviño", dentro do circuíto de Carreiras Populares Coruña Corre 2020 e integrando nela a II Carreira e Andaina Solidaria #QUERÉMONOSVIVAS coa finalidade común de:

  • Promover a participación da cidadanía nas carreiras pedestres.
  • Implementar a través desta carreira as políticas públicas de respecto pola igualdade de xénero en todos os ámbitos e neste caso concreto no ámbito deportivo.
  • Manifestar que a igualdade e a loita contra a violencia de xénero é algo de todas e todos, facendo unha carreira onde poidan participar mulleres, homes, nenos e nenas.
  • Contribuír á loita contra o cancro a través de doazóns voluntarias que se destinarán á investigación contra esta enfermidade. Toda a información relativa á causa solidaria, publicarase en www.coruna.gal/carreiras populares.

Ao mesmo tempo, as persoas participantes que non desexen competir, poderán facer unha marcha saíndo no último caixón da carreira e por un percorrido máis curto. Estas persoas levarán un dorsal solidario nunha cor distinta.

O regulamento específico completo relativo á carreira e á andaina, poderao atopar no documento adxunto no pé da páxina.

Data da carreira

Sábado 28 de marzo de 2020

Inscricións X Carreira Popular Torre de Hércules - II Carreira e Andaina Solidaria #QUERÉMONOSVIVAS

Data límite de inscrición á carreira: ata as 23:59 horas do domingo 22 de marzo de 2020

Data límite de inscrición ao circuíto: o prazo para facer inscrición individual, equipos e familia, finalizará ás 23:59 horas do domingo 22 de marzo de 2020

Data límite de inscrición á marcha: ata as 23:59 horas do domingo 22 de marzo de 2020

Todas as persoas (incluídas participantes menores) que fagan unha doazón das cantidades establecidas na plataforma: 3 €, 5 € ou doazón de libre vontade (superior a 5 €), dará lugar ademais ao dereito a recibir unha camiseta xunto co dorsal.

Todas as doazóns irán parar directamente á Fundación Emalcsa, e destinadas á investigación contra o cancro. A fundación será a responsable de emitir un certificado nominal da doazón realizada para os efectos fiscais. É imprescindible que as persoas participantes autoricen a cesión de datos á Fundación Emalcsa na plataforma web de inscrición no mesmo momento de realizar o donativo, respondendo a consulta de autorización que figurará no formulario de inscrición.

Horarios de saídas e distancias

CATEGORÍA ANO NACEMENTO HORA DISTANCIA
PEQUES Nadas/os no ano 2013, 2014 e 2015 e 2016 17:30 150 m aprox.
SUB 10 FEMININO Nadas/os no ano 2011e 2012 17:45 800 m aprox.
SUB 10 MASCULINO 17:55 800 m aprox.
SUB 12 FEMININO Nadas/os no ano 2009 2010 18:05 800 m aprox.
SUB 12 MASCULINO 18:15 800 m aprox.
SUB 14 FEMININO Nadas/os no ano 2007e 2008 18:25 1.600 m aprox.
SUB 14 MASCULINO 18:35 1.600 m aprox.
SUB 16 Nadas/os no ano 2005e 2006 18.45 2.400 m aprox.
SUB 18 Nadas/os no ano 2003 e 2004 19.05 2.400 m aprox.
ABSOLUTA 20.30 6.625 m aprox.

Lugar e recollida de dorsais

  • Cidade Deportiva da Torre
  • Venres 27 de marzo de 17:00 a 21:30 h
  • Sabado 28 de marzo desde as 10:00 h ata 1/2 hora antes do comezo de cada unha das carreiras.
  • Todas e todos os atletas deberanse inscribir para esta carreira independentemente de que figuren como participantes no circuíto, e recoller un novo dorsal e chip, excepto as persoas propietarias, ás que soamente se lles entregará un novo dorsal para esta carreira, e a categoría Peques, que non utiliza chip.

Lugar de saída e meta

Paseo dos Menhires (zona estatua de Breogán)

Peche de control da proba absoluta

Ás 21:30 horas

Servizo de duchas e vestiario

Cidade Deportiva da Torre. O servizo de duchas será só para as persoas participantes na categoría absoluta, a partir das 20:00 h.

Servizo de gardarroupa

No Frontón da Cidade Deportiva da Torre en horario de 19:30 a 22:15 horas

Uso e devolución do chip

  • O chip ten que ir correctamente atado nos cordóns das zapatillas ou cunha nocelleira á altura do nocello, ou pegado ao dorsal segundo o tipo de chip que utilice o/a corredor/a. Chip amarelo de propietarias/os (non se devolve)
  • Chip para todo o circuíto (non se devolve ata a finalización do circuíto)
  • Chip desbotable pegado ao dorsal, de uso exclusivo para cada unha das carreiras (non se devolve)

Avituallamento de meta

Proporcionaráselles auga e avituallamento sólido a todas as persoas participantes en cada unha das categorías no punto de avituallamento que estará situado nun lugar visible despois da meta.

Colocación pública das clasificacións

Anunciaranse por megafonía a localización e o momento no que as clasificacións de cada carreira estean colocadas ao público.

As clasificacións do circuíto e os seus premios serán para aquelas persoas participantes que se anotaron ao circuíto ata a realización da Torre de Hércules. As persoas que participen en todas as carreiras, pero que se inscribiron individualmente a cada unha delas, non formarán parte da clasificación do circuíto.

Entrega de premios

  • Categorías inferiores: 19:40 horas. Categorías Sub-10, Sub-12, Sub-14, Sub-16 e Sub-18
  • Carreira absoluta: 21:45 horas
  • Lugar: Cidade Deportiva da Torre. Entregaráselles o Trofeo Varela Calviño ás persoas vencedoras absolutas, primeiro home e primeira muller da carreira absoluta
  • Con carácter xeral, as/os atletas que non se presenten á recollida do seu premio no momento da entrega, perderán o dereito a recollelo.
  • Exclusivamente poderán subir ao podio as/os atletas premiadas/os.
  • Aquelas persoas que poidan alegar unha causa xustificada pola súa ausencia no momento da entrega, deberán poñerse en contacto co Servizo Municipal de Deportes durante un prazo máximo de 15 días, onde se custodiarán os trofeos non recollidos.

REGULAMENTO ESPECÍFICO DA II ANDAINA SOLIDARIA #QUERÉMONOSVIVAS 28 DE MARZO DE 2020

Aquelas persoas que non desexen competir na carreira poderán participar na andaina solidaria Querémonosvivas.

As persoas participantes na andaina colocaranse no último caixón de saída sinalizado para o efecto. A andaina sairá uns 5 minutos despois da carreira.

O percorrido será o mesmo que o da carreira, 6.625 metros.

Poderá participar na andaina calquera persoa con independencia da súa idade. No caso das persoas menores de idade, será responsabilidade dos pais, nais e/ou titores/as inscribilos na andaina. En todo caso, aquelas persoas que non se vexan capaces de recorrer toda a andaina sempre poderán abandonala posto que o percorrido transcorre preto do Paseo Marítimo.

Será obrigatorio abandonar a andaina no caso en que non se cumpra co horario de peche da proba, que rematará ás 22:00 horas.

As persoas participantes na andaina deberán levar un dorsal solidario (dorsal 261). Para obter o dorsal solidario deberase realizar unha doazón a través da páxina www.coruna.gal/carreiraspopulares ou www.championchipnorte.com .

As doazóns poderán ser de 3 €, 5 € ou unha cantidade de libre vontade (superior a 5 €).

As persoas que fagan unha doazón recibirán de regalo unha camiseta conmemorativa da carreira e andaina.

Todas as doazóns irán parar directamente á Fundación Emalcsa e serán destinadas integramente á investigación contra o cancro.

Medios de contacto:

  • Servizo Municipal de Deportes (Palacio dos Deportes de Riazor - 1ª planta), de luns a venres de 9:00 a 14:00 horas
  • Por correo electrónico ao seguinte enderezo: carreraspopulares@coruna.es
  • Teléfonos de información: 981 189 800 (Ext. 25025 - 25038)

Que che parece esta sección?

-101-101-101

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión