Novo Mesoiro deixou imaxes épicas que agora podes gozar na nosa galería de fotos e tamén co vídeo do pasado domingo.

• Galería Fotográfica - X Carreira Popular Novo Mesoiro
• Vídeo - X Carreira Popular Novo Mesoiro

A última proba válida para puntuar de Coruña Corre 2022 desenvolveuse baixo a choiva e foi emocionante de principio a fin. A mellor forma de pechar o circuíto antes da carreira que baixará o pano á tempada, xa sen puntos en xogo, pero coa homenaxe aos 50 anos do CHUAC.

A choiva acompañou a xornada en Novo Mesoiro. O circuíto máis curto da tempada puxo a proba a capacidade de superación e resiliencia de cada deportista. A auga converteuse nun obstáculo máis, pero lonxe de deslucir o espectáculo, deu pé a ese afán de superación que moven o deporte e os seus protagonistas.

'E se chove, que chova', como dicimos por estas terras. Despois da borrasca que aprazou uns días a carreira do Ventorrillo, esta vez a meteoroloxía non cambiou os plans de centos de atletas que deron cor a Novo Mesoiro nunha mañá gris de outono.