O Concello da Coruña facilitará a conciliación o vindeiro domingo, 27 de novembro, na última proba válida para puntuar de Coruña Corre 2022, do mesmo xeito que no resto das que formaron parte do circuíto de carreiras populares.

A ludoteca estará dispoñible o día da proba desde as 09.30 ás 12.00 horas no Polideportivo Municipal de Novo Mesoiro, xusto antes das carreiras de Peques.

O servizo de atención á infancia nesta carreira de Coruña Corre debe solicitarse antes das 23.59 horas deste martes para así proporcionar o mellor servizo posible ás persoas menores de idade.

A ligazón para formalizar a solicitude envíase por correo electrónico ás persoas que se inscribiron na proba e, en caso de non recibilo ou se presentase calquera outra incidencia, podes comunicala a través do formulario de contacto https://corunacorre.com/é/web/contacto/.