Coruña Corre, o circuíto de carreiras populares da Coruña, regresa en setembro despois de tres meses de descanso e xa te podes inscribir na quinta proba do calendario, a Volta a Oza, que se realizará o domingo 11 de setembro.

As inscricións están habilitadas na web https://corunacorre.com/es/web/evento/2237/ ata o domingo 4 de setembro ás 23.59 horas, unha semana antes de que se realice a competición.

A proba absoluta comezará ás 10.00 horas e, posteriormente, a partir das 11.15 horas, están programadas as carreiras de menores, desde sub-18 a peques, que sairán arredor das 12.25 horas.

Co obxectivo do Goberno municipal de promocionar o deporte e os hábitos de vida saudables desde a nenez. A inscrición é gratuíta para os/as menores de 18 anos.

Os inscritos e inscritas no circuíto unicamente deben confirmar a súa participación na web dentro dos prazos de inscrición, sen aboar ningunha cota adicional.