Participei en todas as edicións que se realizaron de Coruña10, son sempre un dos primeiros en anotarse nesta mítica e multitudinaria carreira.

Recordo con agrado os lugares por onde corriamos: Obelisco, Cantóns, Castelo de San Antón, Paseo Marítimo, logo por Riazor, Millennium, Torre de Hércules.

Sempre me trataron moi ben, porque son coñecido na Coruña e sempre tiña a miña entrevista na meta. Mesmo corrín o primeiro maratón da Coruña e varios medio maratóns, que gozamos polos Cantóns e Paseo Marítimo.

Coruña10 é unha carreira fixa no meu apertado calendario (600 carreiras), xa que ten moi boa organización, percorrido homologado e con moita xente animando en todo o seu percorrido.

Conséguense moi boas marcas e vémonos os/as atletas que estamos a facer o que máis nos gusta, gozar e divertirnos na cidade na que ninguén é forasteiro.

Eu son un "fixo" en todas as edicións, aínda que este ano non poida acudir por estar anotado antes a outra proba. Teño que percorrer 428 Kmts. para gozar da Coruña, pero encántame correr Coruña10, pola súa hospitalidade e ter grandes amigos.

Ánimo e vémonos na próxima edición!