A Asociación Contra o Cancro (AECC) da Coruña organiza o domingo 29 de maio, a partir das 10:00 h, a novena edición da Carreira contra o cancro Coruña-En Marcha Contra o Cancro, coa que colabora o Concello da Coruña e que mantén aberto o prazo de inscrición ata o xoves 26.

A recadación da carreira popular, a andaina e a zumba solidarias será destinada a apoiar a investigación do cancro.

Podes correr, camiñar, pasar un día en familia... Anímate e inscríbete porque... esta carreira gañámola todas e todos xuntos!

A inscrición telemática está dispoñible desde a web http://www.corunaenmarchacontraocancro.com.

Ademais, de maneira presencial, podes formalizala na sede da Asociación Española Contra o Cancro na Coruña, na rúa Real número 1, ou en El Corte Inglés de Ramón y Cajal.

Colabora, participa e axuda tamén difundindo esta mensaxe entre os teus contactos.