Uso de cookies nas páxinas web do Concello da Coruña

Nas páxinas web municipais utilizamos cookies propias e de terceiros para mellorar os nosos servizos mediante a análise dos seus hábitos de navegación. Se continúa navegando, consideramos que acepta o seu uso. Pode obter máis información, ou coñecer como cambiar a configuración, na nosa páxina de "Normas de uso".

Concello da Coruña

  • Compartir
  • Engadir ao meu móbil | 
  • Imprimir
Conquista romana

Conquista romana

E chegaron os romanos ao castro

No momento de producirse a conquista do norte de Hispania os pobos que conformaban esta área da Península Ibérica tiñan unha notable uniformidade socioeconómica e cultural.

As primeiras referencias sobre os galaicos aparecen relacionadas co seu carácter guerreiro e coa riqueza mineira do país. As primeiras campañas militares aquí son as de Décimo Xuño Bruto. Será anos máis tarde cando Xulio César intente a conquista do Noroeste peninsular, chegando a Brigantium no ano 62 a.C.. De todos os xeitos será Augusto quen, co obxectivo de incrementar o seu prestixio, dirixa novas accións militares desde o ano 27 a.C. Con Augusto xa en Roma, será o legado da Lusitania Publio Cariso quen capitanee as accións militares.

Tomando como base das súas operacións Asturica e Lucus, vencerá os astures coa toma de Lancia e o asedio ao Monte Medulio, vitoria que significará a conquista efectiva de Gallaecia e Asturica.

Coa romanización de Galicia créase unha nova división administrativa, que divide o territorio en diocese ou conventus, co obxectivo de centralizar a recadación fiscal, organizar a xestión económica e financeira e exercer o control sobre os xacementos auríferos.

A romanización non supuxo un abandono xeneralizado dos castros senón o contrario, está documentado un gran número de castros romanizados, como o de Elviña, que tivo un grande interese para Roma (pensamos, por exemplo, no alxibe de carácter monumental). O castro presenta niveis de ocupación desde o século I d.C ata o século VI, período no que se produce unha modificación na forma de construción das casas (plantas cadradas e rectangulares, mellora das técnicas construtivas, decoración máis elaborada, cubrición con tella, división das estancias interiores...) e a introdución de novas tecnoloxías, cerámicas e alimentos.

Esta nova organización política e administrativa non provocou importantes transformacións na estrutura social dos pobos existentes no territorio da actual Galicia, dado que a política imperial buscaba fundamentalmente explotar os recursos económicos e, sobre todo, as explotacións mineiras. Así mesmo, Roma mantivo unha certa flexibilidade coas crenzas relixiosas dos pobos indíxenas de Gallaecia, o que permitiu a pervivencia de elementos relixiosos e produciu unha gradual introdución das prácticas e deuses romanos.


Que che parece esta sección?

-101-101-101

Síguenos en

Horario de verán

(1 de xullo - 30 de setembro)

Sábados e domingos ás 12.00 h

Xoves do mes de xullo (excepto festivos) ás 20.30 h

Horario de inverno

(1 de outubro - 30 de xuño)

Domingos ás 12:00 h

Contacto

Debido á actual situación sanitaria, as visitas terán unha capacide máxima de 15 persoas e será necesaria RESERVA PREVIA no teléfono do 

Museo Arqueolóxico e Histórico Castelo de San Antón

981 189 850

Chamadas locais: 010 / 981 184 278

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión