Destinatarios: calquera persoa que acredite ter a condición de estudante (sen limitación de idade e independentemente do tipo de formación que estea a cursar, sexa formación de carácter oficial ou non). Tampouco é preciso que estea realizando unha formación a tempo completo.

Prezo: 9 euros

Requisitos:

• Solicitar no CMIX -ou descargar- o impreso de autoliquidación de taxas* e aboar a correspondente tarifa de 9 euros en calquera banco ou caixa.
• Presentar:- Un documento acreditativo da condición de estudante, que o centro emitirá e no que figuren os datos da persoa solicitante e a formación que recibe.- DNI ou pasaporte.- Unha fotografía tamaño carné.- O resgardo do impreso de autoliquidación, conforme se fixo o aboamento no banco.

Vixencia: A data de validez é dun ano natural dende a data de emisión.

www.isic.org/

*Estes prezos non serán apli­cables ás persoas que acrediten unha discapacidade igual ou superior ao 33 %, que terán dereito á expedición gratuíta destes carnés. Tamén gozarán desta exención as mulleres vítimas de violencia de xénero, así como os seus fillos/as e as persoas que estean baixo a súa tutela e garda ou custodia.

Segundo o indicado no DOG do 8 de abril de 2016, A situación de violencia de xénero acreditarase por calquera dos medios establecidos no artigo 5 da Lei 11/2007, do 27 de xullo, galega para a prevención e o tratamento integral da violencia de xénero, sempre que a orde de protección e/ou as medidas cautelares estean en vigor, ou a acreditación da situación violencia recolla que a dita situación tivo lugar nos 12 meses inmediatamente anteriores á data de presentación da solicitude do correspondente carné.