Requisitos:

• Poderá ser beneficiario desta convocatoria o alumnado dos centros escolares que presten educación infantil e primaria, ensino secundario obrigatorio, bacharelato e formación profesional, así como os centros de educación especial sustentados total ou parcialmente con fondos públicos, sempre que estean localizados no termo municipal da Coruña, presten o servizo de comedor e que a/o beneficiaria/o reúna, ademais, os requisitos que se establecen o punto 6 desta convocatoria. No caso de menores de idade tuteladas/os por unha institución pública, poderán beneficiarse da bolsa se acreditaren que o seu centro escolar ten xornada partida e que a distancia entre o centro educativo e a residencia de acollida non é compatible co uso do transporte escolar.
• Estar empadroado/a no Concello da Coruña.
• Ter DNI, NIE ou número de identificación fiscal válido.
• Estar matriculada/ou ou ter praza solicitada no curso 2021/2022 nun centro educativo do termo municipal da Coruña que conte con servizo de comedor, xa sexa en educación infantil, educación primaria, secundaria obrigatoria, bacharelato e ciclos formativos de grao medio de formación profesional e formación profesional básica.
• Non superar os 8.000€ anuais de ingresos per cápita no exercicio de consulta, sen prexuízo do previsto no apartado 9.2.A).2 en relación coas situacións de vulnerabilidade social xurdidas como consecuencia do COVID_19.
• Atoparse ao corrente coas obrigas tributarias e coa Seguridade Social.
• Cumprir cos deberes derivados da participación na convocatoria anterior.
• Non ter condena mediante sentenza firme á pena de perda da posibilidade de obter subvencións ou axudas públicas.
• Non resolver de maneira culpable ningún contrato realizado coa administración.
• Esta bolsa é incompatible con calquera outra axuda de institucións públicas ou privadas para a mesma finalidade, salvo coa concedida polo Ministerio de Educación para os menores con necesidades educativas especiais.

Presentación de solicitudes: 

• Os impresos estarán dispoñibles nas oficinas de todos os rexistros municipais, nos centros cívicos municipais, na web https://www.coruna.gal/servizossociais/gl/noticias/detalle-noticias/bolsas-comedor-curso-2021-22/suceso/1453757848860 e en sede electrónica.
• A solicitude específica, os anexos e o resto de documentación esixida na convocatoria poderá presentarse, previa cita, nos rexistros municipais (Praza de María Pita , Franxa, Fórum Metropolitano, Centro Ágora e do CCM Mesoiro), no rexistro telemático da sede electrónica municipal así como en calquera outro dos previstos no art. 16.4 da Lei 39/2015, de 1 de outubro, do Procedemento Administrativo Común das Administracións.