OBXECTIVOS

O Centro Municipal de Información Xuvenil do Concello da Coruña (CMIX) establece como obxectivos principais:

1) Proporcionarlle á mocidade da cidade, fundamentalmente de entre 14 e 30 anos, a información necesaria para lograr a súa participación activa e responsable na sociedade.

2) Posibilitar a igualdade de oportunidades e facilitar a transición á vida adulta.

3) Ser un catalizador de intereses e demandas da mocidade coruñesa.

4) Converterse en observatorio permanente dos intereses, necesidades e iniciativas da mocidade, podendo extraer conclusións de interese para a planificación de accións das diversas entidades municipais.

O equipo do CMIX está composto por: un coordinador, 4 informadoras xuvenís e unha operaria informática. Este equipo é permanente ao longo de todo o ano.

O CMIX creouse no ano 1990 e pertence á Rede Galega de Documentación e Información Xuvenil. Esta rede está regulada en virtude da Lei 6/2012, do 19 de xuño, de mocidade de Galicia. (DOG núm. 139 do 20 de xullo)

CANLES

1. INFORMACIÓN E ASESORAMENTO: en persoa, por teléfono, por correo electrónico (cmix@coruna.es) , a través do sitio web www.coruna.gal/cmix, e nas súas redes sociais Facebook Cmix.coruna, e Twitter @CMIXCoruna

2. AUTOINFORMACIÓN: a través de paneis, dossieres, da web www.coruna.gal/cmix, e de redes sociais

3. DOCUMENTACIÓN: préstamo a domicilio de guías de viaxes, préstamo e consulta en sala, e tamén a través do expediente en liña de "Educación" e o "Buscador de estudos", actualizado e dispoñible en www.coruna.gal/cmix.

Os fondos da Área de Documentación están referenciados e poden ser consultados a través do catálogo en liña do sistema de Bibliotecas Municipais (www.coruna.gal/bibliotecas)

- Biblioteca: composta por monografías, dossieres de autoinformación, folletos, directorios de recursos e numeroso material documental en diversos formatos (dípticos, carteis, material autoeditado...).

- Hemeroteca: revistas, boletíns informativos

- Viaxeteca: servizo de préstamo a domicilio de guías turísticas para socios das Bibliotecas Municipais da Coruña, mapas de situación e de estradas, planos das cidades máis importantes, aloxamentos, rutas, deportes alternativos...

4. EXPEDICIÓN DOS SEGUINTES CARNÉS:

• Carné Xove Euro < 30
• Carnés de Alberguista
• Carne Internacional de Estudante (ISIC)
• Carné Teacher (ITIC)
• Carné Xove Internacional (IYTC)

5. PÁXINA WEB:

Páxina web do Centro Municipal de información Xuvenil que permite, a través dun sinxelo menú, acceder a amplos e diversos contidos de interese para a mocidade: convocatorias de bolsas, concursos, actividades, exames... Buscador de estudos, información sobre recursos e servizos vinculados á cultura, o deporte, a solidariedade, educación, emprego, vivenda, sexualidade, asociacionismo, tempo libre...

6. REDES SOCIAIS E BOLETÍNS ELECTRÓNICOS DE INFORMACIÓN

7. SERVIZO GRATUÍTO DE SUBSCRICIÓNS A TRAVÉS DE SMS E RSS

O CMIX pon a disposición da cidadanía, un servizo de subscrición á información de máis actualidade.

8. PLATAFORMA 14

O CMIX, puxo en marcha a Sala de exposicións Plataforma14 co fin de crear un espazo vinculado á creación e cedérllela á mocidade e colectivos de ámbito xuvenil, así como a centros educativos e entidades vinculadas coa arte emerxente.

Nesta sala, situada no Fórum Metropolitano, expoñeranse proxectos artísticos pertencentes, en sentido amplo, ao ámbito das artes visuais: debuxo, escultura, instalacións artísticas, fotografía, ilustracións, perfomances, pintura, videoarte etc.

A cesión da sala é gratuíta e ademais está dotada de iluminación, sistema de suxeición e soportes adecuados para a exposición de artes plásticas e/ou multimedia.

Nestas ligazóns podes obter máis información sobre o traballo que realizamos:

Asesorías informativas

Programas

Onde estamos?:

Edf. Fórum Metropolitano, r/ Río Monelos, 1, 15006 A Coruña. Tel.: 981 184 294 WhatsApp: 606 36 23 66 cmix@coruna.es