As Xornadas de Orientación Universitaria e Profesional (XOUP) que organiza a Concellería de Xustiza Social e Coidados da Coruña, en colaboración coas universidades da Coruña, Santiago e Vigo, teñen como fin informar e orientar ao alumnado de educación secundaria sobre a oferta de estudos universitarios, formación profesional e outros estudos non regulados, así como das saídas profesionais á súa finalización.

Con motivo da realización das XXVII Xornadas, desde o Centro Municipal de Información Xuvenil do Concello da Coruña, editamos a Guía Ti elixes!: Fontes de información sobre educación e emprego. Bolsas. (2019) , na que poderás atopar un directorio de fontes de información sobre emprego da cidade da Coruña, información sobre programas específicos de emprego, unha guía dos servizos de información, orientación e procura de emprego; así como recursos informativos sobre educación, directorios webs de universidades españolas etc.

Ademais unha selección de bolsas e axudas, actualizadas a 20 de marzo do 2019, e que serven de referencia para saber as bolsas que poderán ser convocadas ao longo do bienio 2019-2020.

Podes consultar as bolsas e axudas que actualmente están en prazo de solicitude desde aquí.

Se tes algunha dúbida, ou necesitas máis información sobre algunha convocatoria, pódeste poñer en contacto connosco no:

Centro Municipal de Información Xuvenil (CMIX)

R/ Río Monelos, s/n

15006 A Coruña

Tel.: 981 184 294

Fax: 981 184 295

Correo electrónico: cmix@coruna.es