É a oferta formativa dirixida a desempregados principalmente, creada para potenciar a inserción e reinserción profesional. A realización destes cursos, permitirá, nalgúns casos, a obtención do certificado de profesionalidade.

A Consellería de Economía, Emprego e Industria programa anualmente accións formativas para persoas desempregadas inscritas no Servizo Público de Emprego Galego. Por outra banda, os traballadores desempregados que participen nas accións formativas, e segundo os casos, poderán percibir axudas en concepto de transporte, manutención e aloxamento.

Como solicitar un curso?

• Acude á túa oficina de emprego. O teu orientador laboral poderá indicarche cales son os que máis te poidan interesar.
• Consulta a listaxe de cursos dos portais web dos Servizos Públicos de Emprego:
  • En Galicia telo na seguinte ligazón: Consellería de Economía, Emprego e Industria
  • Cursos do Centro Municipal de Emprego. Os cursos do Centro Municipal de Emprego teñen convocatoria.
  • No resto de España: SEPE
• A solicitude do curso que te interese pódela facer na oficina de emprego, nos portais web (http://emprego.xunta.es ) ou nos centros que o imparten.
• Nas actividades formativas para traballadores hai unha cota para desempregados. Se te interesa algún curso, ponte en contacto coa entidade que o organiza.