Requisitos

• Ter nacionalidade española ou ser cidadáns da Unión Europea ou dos estados parte do Acordo sobre o Espazo Económico Europeo ou Suíza que se encontren en España en exercicio da libre circulación e residencia. Tamén se poderán inscribir as persoas estranxeiras titulares dunha autorización para residir en territorio español que habilite para traballar.
• Estar empadroado/a en calquera localidade do territorio español.
• Ter máis de 16 anos e menos de 25, ou menos de 30 anos, no caso de persoas cun grao de discapacidade igual ou superior ao 33 por cento, no momento de solicitar a inscrición no Sistema Nacional de Garantía Xuvenil, ou ter máis de 25 anos e menos de 30 cando, no momento de solicitar a inscrición no ficheiro do Sistema Nacional de Garantía Xuvenil, a taxa de desemprego deste colectivo sexa igual ou superior ao 20 por cento, segundo a Enquisa de Poboación Activa correspondente ao último trimestre do ano.
• Non ter traballado no día natural anterior á data de presentación da solicitude.
• Non ter recibido accións educativas no día natural anterior á data de presentación da solicitude.
• Non ter recibido accións formativas no día natural anterior á data de presentación da solicitude.
• Presentar unha declaración expresa de ter interese en participar no Sistema Nacional de Garantía Xuvenil, adquirindo un compromiso de participación activa nas actuacións que se desenvolvan no marco da Garantía Xuvenil. No caso das persoas demandantes de emprego abondará coa súa inscrición nos servizos públicos de emprego.

PROCEDEMENTO DE INSCRICIÓN

Para ser beneficiario da Garantía Xuvenil é necesario acceder ao ficheiro do Sistema de Garantía Xuvenil para inscribirse. Podes facelo das seguintes maneiras:

• Acceso ao rexistro con DNI electrónico ou certificado. A forma máis sinxela e rápida de acceder ao rexistro é a través de DNI electrónico, certificado electrónico recoñecido. Información para obtelo
• Acceso de forma asistida. A solicitude de inscrición pódese realizar coa axuda de persoal especializado en calquera oficina das Cámaras de Comercio unicamente presentando o DNI.
  Na Coruña:
  Cámara de Comercio, Industria e Navegación (previa cita)
  R/ Alameda, nº 30-32 1º
  Tel.: 981 216 072
  empleo@camaracoruna.com
  www.camaracoruna.com
• Acceso a través do Sistema Cl@ve
  Trátase dunha plataforma común para a identificación, autenticación e firma electrónica.
  Plataforma Cl@ve

• Acceso con usuario e contrasinal. Se non tes DNI ou certificado electrónico terás que solicitar o teu usuario e contrasinal:
  • Por correo electrónico enviando o nome completo, DNI e teléfono móbil a: garantiaxuvenil@xunta.es ou a través do teléfono 012.
  • A través da web do plan cubrindo este formulario e entregándoo en calquera das oficinas de rexistro da Administración Xeral do Estado, das comunidades autónomas ou das entidades locais.

Despois de recibir o teu usuario e contrasinal, recibirás por correo electrónico a comunicación do teu código de activación que deberás introducir no enlace Activar usuario situado na páxina de acceso ao sistema para obter o seu contrasinal.

Outras formas de acceso

Aquelas persoas que están en risco de exclusión social que conten co certificado que o acredite e/ou discapacidade recoñecida, poderanse inscribir mediante a presentación do formulario adxunto nas oficinas de rexistro da Administración Xeral do Estado e das comunidades autónomas e das entidades sen necesidade de facelo telematicamente.

USUARIOS REXISTRADOS

Unha vez que che deches de alta no sistema poderás recibir ofertas do catálogo de actuacións que se recollen no Plan de Implantación da Garantía Xuvenil e/ou na Estratexia de Emprendimiento e Emprego Novo a través da súa Comunidade Autónoma, a Administración Xeral do Estado, as entidades que colaboran na xestión do Fondo Social Europeo ou das empresas que desexen aplicarse algún dos incentivos previstos na normativa vixente para a contratación de mozas.

Entidades colaboradoras A Coruña

Cámara de Comercio, Industria e Navegación da Coruña

R/ Alameda, 30-32, 1º, 15003 - A Coruña

Tel.: 981 216 072

pice@camaracoruna.com

www.empleoygarantiajuvenil.es/

Programa PICE (Programa de Cualificación e Emprego)

(con cita previa)

Contido:

• Plan de Capacitación
• Plan de Mobilidade
• Plan de Formación Dual

Cruz Vermella

Cruz Vermella Española na Coruña

R/ Cruz Vermella Española, 1, 15002 - A Coruña

Tel.: 981 221 000

www.cruzvermella.org

Programa para persoas novas inscritas en Garantía Xuvenil

Contido:

• Activación, orientación e acompañamento sociolaboral para persoas novas en GX. Accións de activación, motivación e orientación (tanto individual como grupal), avaliación das competencias profesionais e intermediación con empresas.
• Escola de segundas oportunidades para persoas novas en GX. Persoas novas con baixa cualificación, antecedentes de fracaso escolar e abandono, ou con poucas posibilidades para formarse. A finalidade do programa consiste en motivalos/as a retomar os seus estudos (ofrecéndolles clases de reforzo das materias, bolsas para o estudo e un acompañamento individual en todo este proceso). Testeo de oficios para indagar nos seus intereses profesionais e achegalos/as á realidade do mundo laboral.
• Formación para o emprego con persoas novas en GJ.
• Proporcionar unha formación que as capacite para desempeñar unha profesión.

Fundación Paideia

Praza de María Pita, 17, 15001 - A Coruña

Tel.: 981 817 000

www.paideia.es/talleres-socio-ocupacionais/

Talleres socio-ocupacionais

Formación para o emprego dunha duración de 100 horas grupais e 10 horas de titorías individuais. Posibilidade de 50 contratos en empresas galegas durante 6 meses. Participación en programas de mobilidade transnacional: A Ida (prácticas formativas en Europa) e SVE (Servizo de Voluntariado Europeo).

Fundación Once

Cantón Grande, 3, 1º. 15003 - A Coruña

Tel.: 981 145 109

belen.almagro.fsc@fundaciononce.es

http://www.noterindasnunca.org - http://www.portalento.es

Programa "Non te rendas nunca"

Persoas destinatarias: persoas novas con discapacidade.

Contido: plan personalizado de emprego, que inclúe cursos de formación e accións de intermediación laboral coas empresas.