Unha boa forma de acceder á experiencia de traballar nas institucións comunitarias e contribuír profesionalmente ao proxecto europeo é a través das prácticas ou stages que se convocan de forma periódica na Comisión, o Parlamento, o Consello ou o resto de organismos, institucións e axencias da UE.

Que requisitos se adoitan pedir á hora de facer prácticas nas institucións europeas?

• Debes ser nacional dun dos Estados membros da Unión Europea para poder participar.
• En xeral, as bolsas da institucións europeas están dirixidas a licenciados universitarios ou estudantes de educación superior que terminasen o primeiro ciclo de estudos.
• Coñecemento: como mínimo, adóitase esixir un bo coñecemento dunha segunda lingua das 23 oficiais na Unión Europea, ademais da lingua materna.

Son remuneradas as prácticas en institucións europeas?

Existen tanto prácticas remuneradas como non remuneradas; que sexa dun tipo ou doutro dependerá da institución ou organismo comunitario.

Cada canto se publican as convocatorias de prácticas?

Normalmente, publícanse cada 5 meses. Adoita haber unha convocatoria no outono e outra na primavera. Tes toda a información nas seguintes ligazóns:

• Prácticas para estudantes
• Prácticas para titulados universitarios
• Prácticas para lingüistas

Máis info aquí.