Un percorrido polos seus 18 anos de carreira a través das súas cancións máis coñecidas, tanto da súa carreira en solitario como á fronte de 'El Canto del Loco'.

Será en 2018 cando percorra toda a xeografía española cun renovado show que contén todos os seus grandes éxitos.

Durante máis dunha década, Dani Martín foi vocalista da banda de pop-rock El Canto del Loco, que conseguiu bater récords e unha inacabable lista de premios. Varios premios Ondas e 40 Principales, dous MTV Europe Music Awards, seis álbums de estudio e máis de dous millóns de discos vendidos son parte da historia de El Canto del Loco.

Na súa carreira en solitario, Dani Martín publicou ata o momento tres álbums de estudio e un en directo. O primeiro foi 'Pequeño', co que sorprendeu a crítica e co que conseguiu o triplo disco de platino con catro semanas consecutivas no núm. 1 das listas de vendas en España e 2 anos na lista dos discos máis vendidos. O segundo disco de Dani Martín foi homónimo e levouno a dar máis de 70 concertos por toda España e tamén por Latinoamérica. Un ano despois, publicou 'Mi Teatro', con temas gravados durante dúas noites no Palacio de Deportes de Madrid, recollendo éxitos da súa carreira acompañado de importantes figuras da música como Joaquín Sabina e Joan Manuel Serrat. En 2016, Dani Martín publica 'La montaña rusa', o seu último disco de estudio, que entra directo ao número 1 de vendas. O día do lanzamento do disco colapsa a Gran Vía de Madrid e pouco despois recibe o premio Ondas ao artista do ano.

A xira de presentación de 'La montaña rusa' lévao por máis de 40 teatros de toda España cun rotundo ESGOTADO en todos eles.

Lugar: Coliseum

VENDA DE LOCALIDADES

Despacho Central da praza de Ourense: de luns a venres (excepto festivos) de 9.30 a 13.00 e de 16.30 a 19.30 h

Despacho do Coliseum: aberto só días de concerto desde as 17.00 h ata o comezo do concerto (só se hai localidades dispoñibles)

Televenda: 902 044 226 (de luns a venres de 9.00 a 22.00 h; sábados de 14.00 a 22.00 h; domingos de 16.00 a 21.00 h) ou web